२ माघ, विराटनगर।
विराटनगर हार्डवेयर संघको अध्यक्षमा प्रमोद जिन्दल चयन भएका छन् । सोमबार सम्पन्न संघको भेलाले जिन्दललाई अध्यक्षमा सर्वसम्मत रुपमा चयन गरेको हो । विराटनगर महानगरपालिका भित्र हार्डवेयर व्यवसाय गर्दै आएका दुई सय ५० व्यवसायी सदस्य उपस्थित रहेको भेलाले जिन्दलको अध्यक्षतामा १४ सदस्यीय समिति गठन गरेको छ ।
समितिको प्रथम उपाध्यक्षमा भानु पौडेल, द्वितीय उपाध्यक्षमा कमल अग्रवाल, महासचिवमा देवीप्रसाद पोखरेल, सचिव जितेश कोइराला र कोषाध्यक्षमा भरतकुमार खेतान चयन भएका छन् । यस्तै समितिको सदस्यहरुमा मुकुल दाहाल, शंकर थापा, गोविन्द अग्रवाल, अमित सिंगल, अनन्त निरौला,ज्ञानेन्द्रप्रसाद भट्टराई, किरणशंकर साह र अभिषेक केडिया रहेका छन् ।
मनोज अग्रवाल नेतृत्वको संघले ५ वर्ष काम गरेपछि अहिले जिन्दलको नेतृत्वमा नयाँ समिति गठन गरिएको हो । विराटनगर हार्डवेयर संघ २०५५ देखि सक्रिय रहेको छ ।
