Nepal Times
Nepal Times
19.4k
Shares

भारतले तोड्यो नेपालका तीन विश्व कीर्तिमान

भारतले तोड्यो नेपालका तीन विश्व कीर्तिमान

४ माघ ,एजेन्सी ।

भारतले टी–२० क्रिकेटमा नेपालले बनाएका तीनवटै विश्व कीर्तिमान तोडेको छ । उसले एकै खेलबाट यी कीर्तिमानहरु तोड्दै आफ्नै नाममा नयाँ कीर्तिमान बनाएको हो । भारतले अफगानिस्तानविरुद्ध तेस्रो तथा अन्तिम टी–२० आई खेलमा दोस्रो सुपर ओभरमा रोमाञ्चक विजय प्राप्त गर्ने क्रममा नेपालका तीनवटै विश्व कीर्तिमान तोडेको हो ।

बेंगलोरस्थित चिन्नास्वामी स्टेडियममा जितका लागि २१३ रनको लक्ष्य पछ्याएको अफगानिस्तानले २० ओभरमा ६ विकेट गुमाउँदै २१२ रन बनाएपछि खेल सुपर ओभरमा गएको थियो । सुपर ओभरमा अफगानिस्तानले १६ रन बनाएपछि पुनः टाई भएको थियो । दोस्रो सुपर ओभरमा भारतले ११ रन बनाउँदा अफगानिस्तानले मात्र १ रन बनाउन सक्यो ।

त्यसअघि टस जितेर पहिला ब्याटिङ रोजेको भारतले निर्धारित २० ओभरमा ४ विकेट गुमाउँदै २१२ रन बनाएको थियो । भारतीय कप्तान रोहित शर्मा ६९ बलमा ११ चौका र ८ छक्कासहित सर्वाधिक १ सय २१ रनमा नट आउट रहे । रिंकु सिंह ३९ बलमा २ चौका र ६ छक्कासहित ६९ रनमा नट आउट रहे ।

४.३ ओभरमा २२–४ को दयनीय अवस्थामा पुगिसकेको भारतलाई रोहित र रिंकुले ९५ बलमा १ सय ९० रनको विष्फोटक अविजित साझेदारी गर्दै लयमा फर्काएका थिए । भारतले अन्तिम १२ बलमा ५८ रन जोडेको थियो । अन्तिम ओभरमा भारतले करिम जन्नतबाट ५ छक्कासहित कूल ३६ रन जोडेको थियो ।

१९औँ ओभरमा भारतले २२ रन जोडेको थियो । त्यही क्रममा भारतले नेपालका तीन विश्व कीर्तिमान तोडेको हो । भारतले अन्तिम दुई ओभरमा ५८ रन जोड्यो । टी–२० क्रिकेटमा अन्तिम दुई ओभरमा जोडेको यो अहिलेसम्मकै बढी रन हो । यसअघि गत सेप्टेम्बरमा चीनमा भएको १९औँ एसियाली खेलकुदमा नेपालले मंगोलियाविरुद्ध अन्तिम २ ओभरमा ५५ रन जोडेर विश्व कीर्तिमान बनाएको थियो ।

भारतले डेथ ओभर अर्थात् अन्तिम ५ ओभरमा अफगानिस्तानविरुद्ध १०५ रन बनाएको छ । टी–२० आईमा डेथ ओभरमा जोडेको यो अहिलेसम्मकै धेरै रन हो । यसअघि नेपालले मंगोलियाविरुद्ध डेथ ओभरमा ८९ रन जोडेर विश्व कीर्तिमान कायम गरेको थियो ।

बुधबारको खेलमा अफगानिस्तानविरुद्ध भारतका रिंकु र रोहितले पाँचौँ विकेटका लागि ९५ बलमा १९० रनको विश्व कीर्तिमानी साझेदारी गर्दै नेपालको विश्व कीर्तिमान तोडेको छ । गत अक्टोबरमा मूलपानी क्रिकेट मैदानमा भएको त्रिकोणात्मक टी–२० आई शृंखलामा नेपालका दीपेन्द्र सिंह ऐरी र कुशल मल्लले हङकङविरुद्ध १४५ रनको साझेदारी गरेर विश्व कीर्तिमान रचेका थिए । तर भारतले यो पनि तोडिदिएको छ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.