Nepal Times
Nepal Times
522
Shares

अब उत्तर कोरियाले समुद्रमा ‘आतंक’ फैलाउने

अब उत्तर कोरियाले समुद्रमा ‘आतंक’ फैलाउने

५ माघ, एजेन्सी ।
राष्ट्र संघसहित पश्चिमा राष्ट्रहरुको प्रतिबन्धका बीच पनि लगातार अत्यधुनिक हतियारसहित क्षेप्यास्त्रहरुको परीक्षण गर्दै आएको उत्तर कोरियाले फेरि पानी मुनि सबैभन्दा घातक मानिएको परमाणुको परीक्षण गरेको छ । अमेरिका, दक्षिण कोरिया र जापानले गरेको संयुक्त सैन्य अभ्यासको प्रतिक्रिया स्वरुप उत्तर कोरियाले पानीमुनि प्रहार गर्न सक्ने परमाणु हतियार सिस्टमको परीक्षण गरेको त्यहाँको सञ्चार माध्यमले जनाएको छ ।

उत्तर कोरियाले शुक्रबार दक्षिण कोरिया, अमेरिका र जापानबीचको पछिल्लो संयुक्त सामुद्रिक अभ्यासको प्रतिक्रियास्वरूप विकास भइरहेको पानीमुनि आणविक हतियार प्रणालीको परीक्षण गरेको जनाएको छ । उत्तर कोरियाको रक्षा मन्त्रालयले पूर्वी सागरमा हेल–५–२३ को महत्वपूर्ण परीक्षण गरेको प्योङयाङको आधिकारिक कोरियाली केन्द्रीय समाचार एजेन्सी (केसीएनए) ले रिपोर्ट गरेको योनहापले जनाएको छ।

‘हेइल–५–२३’ नाम दिइएको उक्त परमाणु हतियारलाई उत्तर कोरियाले आफ्नो पूर्वी तटीय क्षेत्रमा परीक्षण गरेको हो । अण्डरवाटर आणविक–आधारित प्रतिकार्यहरू थप प्रभावकारी बनाइएका छन्,“ एक मन्त्रालयका प्रवक्ताले प्ऋल्ब् द्वारा जारी विज्ञप्तिमा भनेका छन्, “हाम्रो सेनाको सामुद्रिक र पानीमुनिको विद्रोह विरोधी कार्यहरूले संयुक्त राज्य अमेरिका र यसका सहयोगीहरूका नौसेनाहरूद्वारा शत्रुतापूर्ण सैन्य चालचलनहरूलाई रोक्न जारी राख्नेछ।“

उत्तर कोरियाले यसअघि पनि यस्तै परीक्षण सम्पन्न गरिसकेको छ । कोरियाली प्रायद्वीपमा कुनै पनि बेला युद्ध सुरु हुन सक्ने बताउँदै उत्तर कोरियाले पछिल्लो समय आफ्नो सैन्य शक्ति विकास गरिरहेको जनाएको छ । यही हप्ता उत्तर कोरियाका शीर्ष नेता किम जोङ उनले दक्षिण कोरियासँग ‘एकीकरण’ को उद्देश्य समाप्त भएको बताउँदै दक्षिण कोरियालाई ‘प्रधान शत्रु’ घोषणा गरेका थिए ।

गत सेप्टेम्बरमा उत्तर कोरियाले परमाणु हतियार प्रहार गर्न सक्ने पनडुब्बीको परीक्षण गरेको दाबी गरेको थियो । त्यसअघि सन् २०२३ को मार्चमा उसले पानीमुनि प्रहार गर्न सक्ने परमाणु हतियारसहितको मानवरहित ‘हेइल सिस्टम’को परीक्षण गरेको पनि जनाएको थियो । यस हप्ताको सुरुमा दक्षिण कोरिया, संयुक्त राज्य अमेरिका र जापानले दक्षिणी जेजु टापुको पानीमा संयुक्त नौसैनिक अभ्यास गरेका थिए ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.