Nepal Times
Nepal Times
3
Shares

परेवामाथि चिनियाँ जासुसीको आरोप, ८ महिनापछि सफाइ

परेवामाथि चिनियाँ जासुसीको आरोप, ८ महिनापछि सफाइ

१९ माघ, काठमाण्डौ ।

परेवा शान्तिको प्रतिक हो । अझ जोडी परेवा आफैंमा प्रेमको प्रतीक हो । तर यही परेवाले जासुसीको आरोपमा ८ महिनासम्म भारतमा हिरासतमा रहनु परेको छ । चिनियाँ जासुस भएको आरोपमा ‘पक्राउ गरी’ भारतीय प्रहरी हिरासतमा आठ महिना राखिएको एउटा परेवा सफाइपछि रिहा भएको छ ।

’टाइम्स अफ इन्डिया’ का अनुसार आर्थिक राजधानी मुम्बईको एक बन्दरगाहमा पखेटामा ‘चिनियाँजस्तो लिपिमा लेखिएको सन्देश’ सहित यो परेवा समातिएको थियो । शुरुमा प्रहरीले जासुसी गरेको आरोपमा चराविरुद्ध मुद्दा दर्ता गरेको थियो तर अनुसन्धान पूरा भएपछि उनीहरूले आरोप फिर्ता लिएका थिए रिपोर्टमा भनिएको छ ।

यो परेवालाई सहरको एक अस्पतालमा थुनेर राखिएको थियो भने प्रहरीले अनुसन्धान गरिरहेको थियो । पिपुल फर द एथिकल ट्रिटमेन्ट अफ एनिमल्स (पेटा) को भारतीय कार्यालयले यो अनुसन्धानमा आश्चर्यजनक आठ महिना लागेको बताएको छ ।पेटा इन्डियाका अनुसार प्रहरीले बुधवार अस्पताललाई परेवा छोड्न औपचारिक अनुमति दिएको छ ।

स्थानीय सञ्चारमाध्यमका अनुसार यो परेवा स्वस्थ अवस्थामा रिहा भएको छ । जासुसीको आरोपमा भारतीय अधिकारीहरूले हिरासतमा लिएका कैयौँमध्ये यो पछिल्लो परेवा हो । सन् २०१६ मा भारतीय प्रधानमन्त्री नरेन्द्र मोदीलाई धम्कीपूर्ण सन्देश बोकेको अवस्थामा फेला परेको परेवालाई सीमा सुरक्षा अधिकारीहरूले नियन्त्रणमा लिएका थिए ।

सन् २०११ मा पनि पाकिस्तानबाट आएको परेवालाई भारतीय सुरक्षाकर्मीले जासुसीको आरोपमा समातेका थिए।यस्तै सन् २०१० मा अर्को परेवाको खुट्टामा औँठी र पाकिस्तानी फोन नम्बर र ठेगाना रातो मसीले टाँसिएको अवस्थामा फेला परेपछि सशस्त्र पहरामा राखिएको थियो ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.