Nepal Times
Nepal Times
729
Shares

अब नेपालीले भारतीय सीम कार्ड सजिलै पाउने

अब नेपालीले भारतीय सीम कार्ड सजिलै पाउने

८ फागुन , काठमाण्डौ ।

अब नेपालीहरुले भारतीय सीम कार्ड सहजै पाउने भएका छन् । भारतले कानून नै संशोधन गरेर नेपालीसहित भुटानी नागरिकका लागि सहज प्रक्रियाबाट सीम कार्ड प्रदान गर्ने व्यवस्था गरेको हो । यसअघि नेपाली तथा भुटानी नागरिकलाई पासपोर्टमा भिसाको स्ट्याम्प लागेको आधारमा मात्र भारतीय सीम कार्ड उपलब्ध गराइन्थ्यो ।

तर अब आफ्नो देशको नागरिकता, पासपोर्ट, मतदाता परिचयपत्र तथा सम्बन्धित देशमा रहेको दूतावासले उपलब्ध गराएको फोटो सहितको परिचयपत्रमध्ये कुनै एउटा कागजात उपलब्ध गराएमा भारतले सीम कार्ड उपलब्ध गराउने भएको हो । सो सीम कार्ड तीन महिनाका लागि मात्र सक्रिय हुने बताइएको छ । तीन महिनाको म्याद सकिएपछि नवीकरण गर्नुपर्ने हुन्छ ।

सीम सहजै उपलब्ध हुने सम्बन्धमा भारतस्थित नेपाली राजदूत डा शंकर शर्माले अब नेपाली नागरिकता, पासपोर्ट, मतदाता परिचयपत्र आदि कागजातका आधारमा नेपालीले भारतीय मोबाइल सिमकार्ड पाइने भएको बताएका छन् । उनले लेखेका छन्, पहिले प्राविधिक कारणले पाइदैन थियो।

राजदुतावासले औपचारिक अनुरोध गरेको केही हप्तामा यो निर्णय हुनु खुसीको कुरा हो! नेपालबाहेक अन्य देशबाट भारत पुगेको खण्डमा भने नेपाली नागरिकले भने पासपोर्ट र मान्य भिसा स्ट्याम्प अनिवार्य देखाउनुपर्नेछ । भारतमा रहेका नेपालीहरुले मोबाइल सीम र बैंक खाता खोल्न कठिनाइ खेप्दै आएका छन् । बैंक खाता खोल्नपनि दुतावासले सिफारिस गर्दै आएको छ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.