१३ फागुन ,विराटनगर ।
कोशी प्रदेशको राजधानी विराटनगरमा आफ्नो १७ औं शाखा विस्तार गरेको अन्तर्राष्ट्रिय फूड चेन केएफसीले छोटो समयमै विराटगरवासीको मन जितेको छ । केएफसीको ब्राण्ड र गुणस्तरले आफूहरुलाई तानेको त्याहा पुगेका खानाका पारखीहरुले बताउने गरेका छन् ।
विराटनगरस्थित द सेन्चुरियन मलमा संचालित केएफसीसँगै नेपालका लागि केएफसीको आधिकारिक प्रतिनिधि देवयानी इन्टरनेशनल नेपालले संचालनमा ल्याएको पिज्जा हटले समेत पिजाका पारखीहरुलाई सन्तुष्टि प्रदान गरिरहेको कम्पनीमा वित्त प्रमुख रितुराज शाहले बताएका छन् ।
विराटनगरको पिज्जा हट प्रदेशकै पहिलो र देशभरको पाँचौ शाखा हो । खानपानका लागि लोकप्रिय यी रेस्टुरेन्ट विराटनगर क्षेत्रमा खानाका पारखीहरुका लागि प्रमुख गन्तब्य बन्दै आएको शाहले बताएका छन् । केएफसी र पिज्जाका विभिन्न परिकारहरुको होम डेलिभरीको समेत व्यवस्था मिलाइएको छ ।
करिब ७५ जनाको सिट क्षमता भएको केएफसी रेष्टुरेन्ट १५३४ वर्ग फिटमा फैलिएको छ । रेस्टुरेन्टले बिहान १० बजेबाट रातको १० बजे सम्म डाइन–इन र टेक अवेमार्फत सेवा दिदै आएको छ । रेस्टुरेन्टमा एक एक दर्जन बढी स्थानीय कर्मचारीहरु रहेका छन् ।
रेस्टुराले विश्वस्तरिय खानाको स्वाद पस्किदै आएको र गुणस्तरमा कुनै पनि सम्झौता नगरिएका कारण विराटनगरवासीको मन जित्दै आएको प्रमुख शाहले बताएका छन् । यसअघि केएफसी रेष्टुरेन्टले इटहरीको भाटभटेनी सुपर मार्केटको प्राङ्गणमा शाखा विस्तार गरेको थियो ।
विराटनगरको मेनरोडमा रहेको द सेन्चुरियन मल भने अहिले निर्माणकार्यको अन्तिम चरणमा रहेको छ ।
