Nepal Times
Nepal Times
1.12k
Shares

पुटिनले खुलेर दिए आणविक युद्धको चेतावनी

पुटिनले खुलेर दिए आणविक युद्धको चेतावनी

फागुन १८ , एजेन्सी।

युक्रेन युद्धलाई लिएर रुसी राष्ट्रपति भ्लादिमिर पुटिनले पश्चिमा राष्ट्रहरूले आणविक युद्ध निम्ताउन खोजिरहेको आरोप लगाएका छन्। एक सम्वोधनमा रूसी राष्ट्रपति पुटिनले पश्चिमी देशहरूलाई यदि उनीहरूले युक्रेनमा लड्न सेना पठाए उनीहरूले आणविक युद्धलाई उक्साउने जोखिममा छन् भनेर बुझ्नु पर्ने बताएका छन् ।

उनले आफनो सम्बोधनमार्फत मस्कोसँग पश्चिममा लक्ष्यहरू प्रहार गर्न हतियारहरू प्रशस्त मात्रामा रहेको चेतावनी पनि दिएका छन्। युक्रेनसँगको जारी युद्धले सन् १९६२ को क्युवाली मिसाइल संकटपछि पश्चिमसँगको मस्कोको सम्बन्धमा सबैभन्दा खराब संकट निम्त्याएको पश्चिमा सञ्चारमाध्यमले उल्लेख गर्दै आएका छन्। तर, पुटिनले त्यसको प्रतिबाद गर्ने जनाएका छन्।

पुटिनले पहिले नै नेटो र रूस बीचको प्रत्यक्ष टकरावको खतराको बारेमा बोलेका थिए तर बिहीबारको आफनो भाषणामा भने उनले आणविक युद्धको चेतावनी दिए। जुन अहिलेसम्मकै सबैभन्दा स्पष्ट मध्ये एक मानिएको छ। रूसी सांसदहरू र देशका कुलीन वर्गका अन्य सदस्यहरूलाई सम्बोधन गर्दै पुटिनले पश्चिमा देशले रूसलाई कमजोर पार्ने कोशिश गरिरहेको पनि आरोप लगाएका छन्।

उनले भने, ‘पश्चिमी नेताहरूले रूसको आन्तरिक मामिलामा उनीहरूको हस्तक्षेप कत्तिको खतरनाक हुन सक्छ भनेर अझै बुझेका छैनन्।’ उनले आफ्नो आणविक चेतावनीलाई फ्रान्सेली राष्ट्रपति इमानुएल म्याक्रोनले सोमबार युक्रेनमा भू–सेना पठाउने युरोपेली नेटो सदस्यहरूको विचारलाई विशेष सन्दर्भमा प्रस्तुत गरेका छन्।

फ्रान्सेली राष्ट्रपतिको सुझावलाई तत्काल संयुक्त राज्य अमेरिका, जर्मनी, बेलायत र अन्यले तुरुन्तै अस्वीकार गरेका थिए। ‘पश्चिमी राष्ट्रहरूले यो बुझ्नुपर्छ हामीसँग पनि हतियारहरू छन्, जसले उनीहरूको भूमिमा लक्ष्यहरू प्रहार गर्न सक्छ। यी सबैले साँच्चै आणविक हतियारको प्रयोग र सभ्यताको विनाशको साथ द्वन्द्वलाई धम्की दिन्छन, के तिनीहरूले बुझ्दैनन् ?’ पुटिनले भनेका छन् ।

अर्को ६ वर्षको कार्यकालको लागि पुनः निर्वाचित हुने निश्चित भइसकेका राष्ट्रपति पुटिनले रुस विशाल आधुनिक आणविक हतियारमा संसारमा सबैभन्दा ठूलो भएको कुराको प्रशंसासमेत गरेका छन्। आक्रमक रुपमा प्रस्तुत भएका पुटिनले पश्चिमी राजनीतिज्ञहरूलाई नाजी जर्मनीको एडोल्फ हिटलर र फ्रान्सका नेपोलियन बोनापार्ट जस्ता व्यक्तिहरूको भाग्य सम्झन सुझाव दिएका छन् । जसले विगतमा रूसमा असफल आक्रमण गरेका थिए।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.