Nepal Times
Nepal Times
2.47k
Shares

रविविरुद्ध फेरि युवराज सफलको उजुरी, प्रचण्डलाई चेतावनी

रविविरुद्ध फेरि युवराज सफलको उजुरी, प्रचण्डलाई चेतावनी

२७ फागुन, काठमाण्डौ।
उपप्रधान तथा गृहमन्त्री समेत रहेका राष्ट्रिय स्वतन्त्र पार्टी (रास्वपा) का सभापति रवि लामिछाने र उपसभापति तथा श्रम मन्त्री डोलप्रसाद अर्यालविरुद्ध उजुरी परेको छ । स्वार्थ बाझिने मन्त्रालयको जिम्मेवारीमा रहेको भन्दै प्रधानमन्त्री तथा मन्त्रिपरिषद्को कार्यालयमा दुई मन्त्रीविरुद्ध उजुरी परेको हो । स्वार्थको द्धन्द्व हुने गरी दिइएको मन्त्रालयको जिम्मेवारी हेरफेर गरी पाई भनी युवराज सफलले लामिछाने र अर्यालविरुद्ध उजुरी दर्ता गराएका हुन् ।

‘२०८० फाल्गुन २३ गते बुधवारको दिन गठित मन्त्रिपरिषद्मा राष्ट्रिय स्वतन्त्र पार्टीका सभापति एवं प्रतिनिधि सभा सदस्य रवि लामिछाने र उपसभापति एवम् सांसद डिपी अर्याल क्रमश उपप्रधान तथा गृह र श्रम तथा रोजगार मन्त्रीमा नियुक्त भएकोले निजहरु उल्लेखित पदमा रही कार्य गर्दा स्वार्थको द्वन्द स्पष्ट देखिने हुँदा निजहरुको जिम्मेवारी तत्काल हेरफेर गरी पाउँ भनी सम्माननीय प्रधानमन्त्रीज्यूसमक्ष यो निवेदन पेश गरेको छु,’– प्रधानमन्त्रीको कार्यालयमा परेको उजुरी भनिएको छ ।

लामिछाने उपप्रधान एवम् गृहमन्त्री बन्न नहुने कारणमा उनीमाथि राहदानी दुरुपयोग सम्बन्धी मुद्दा सर्वोच्च अदालतमा विचाराधीन रहेको, उनी गृहमन्त्रीमा रहँदा आफ्नो राहदानी सम्बन्धी मुद्धाको अनुसन्धान प्रभावित पार्ने एवम् प्रमाण नष्ट गर्ने संभावना देखिएको सफलले उल्लेख गरेका छन् ।

त्यसैगरी, लामिछानेविरुद्ध सहकारी ठगी सम्बन्धी कसुरमा अनुसन्धान भईरहेको र उनी गृहमन्त्री हुँदा अनुसन्धान प्रभावित र प्रमाण नष्ट गर्ने संभावना रहेको, उनीमाथि सम्पत्ति शुद्धीकरण विभागले समेत अकुत सम्पत्ति कमाएको आरोपमा आवश्यक अनुसन्धान एवं छानविनसमेत गरिरहेको उजुरीमा उल्लेख छ ।

त्यस्तै उपसभापति अर्याल श्रम तथा रोजगार मन्त्री बन्न नहुने कारणमा उनी मेनपावर व्यवसायीको रुपमा कार्य गरेको र हाल पनि मेन पावर कम्पनीको जिम्मेवार पदमा रहेको दाबी छ । तत्काल उल्लेखित मन्त्रीहरुको जिम्मेवारी हेरफेर नगरेको खण्डमा यही विषय लिएर प्रधानमन्त्रीसमेतलाई विपक्षी बनाएर कानूनी उपचारमा जाने उनको चेतावनी छ ।

साथै, स्वार्थको द्वन्द्व सम्बन्धि कानून तत्काल बनाउन पनि उनको माग छ । यसअघि पनि सफल रविविरुद्ध पटक पटक विभिन्न उजुरी लिएर प्रहरी कार्यालयदेखि अदालतसम्म पुगेका थिए । पहिलो पटक रवि उपप्रधान तथा गृहमन्त्री हुँदा सफलको उजुरीकै आधारमा सर्वाेच्चले उनको नागरिकता अवैध भनेपछि उनी पदमुक्त भएका थिए भने सांसद पदसमेत स्वत अवैध ठहर भएको थियो ।

पछिल्लो समय सफलले सहकारीको ठगीको विषयमा रविविरुद्ध सहकारी विभाग र संसदीय समितिमा जाहेरी दिएका छन् । रवि सांसद पद गुमेपछि दोस्रो पटक चितवनबाटै विजयी भई उपप्रधान तथा गृहमन्त्री बनेका छन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.