Nepal Times
Nepal Times
2.23k
Shares

नेपाल र हङकङको खेलमा वर्षा बाधक,खेल रद्ध

नेपाल र हङकङको खेलमा वर्षा बाधक,खेल रद्ध

२७ फागुन, काठमाण्डौ ।

हङकङ टी ट्वान्टी सिरिजअन्तर्गत आइतबार भएको नेपाल र हङकङबीचको पहिलो खेल रद्ध भएको छ। खेल सुरु भएको केही समयमै पानी पर्न थालेपछि केही समय खेल रोकिएर फेरि सुरु भएको थियो। तर फेरि पानी पर्न थालेको र निरन्तर पानी परिरहेपछि खेल प्रभावित भएर रद्ध भएको हो।

जसका कारण हङकङ र नेपालले अंक बाँडेका छन्। तालिकामा दुवैले एक अंक जोडेका छन्। नेपालले टस जितेर फिल्डिङ रोजेपछि सुरुवाती ब्याटिङमा हङकङ उत्रिएको खेलमा ८ ओभरको सकिदा पुन वर्षा भएको थियो। हङकङले ८ ओभरमा २ विकेट गुमाएर ६५ रन बनाएको थियो।

हङकङमा त्रिकोणात्मक टी ट्वान्टी क्रिकेट सिरिज खेल्न गएको नेपालले मंगलबार पीएनजीसँग खेल्नेछ। हङकङमा घरेलु टोलीसँगको पहिलो फ्रेन्डसिप कपमा नेपालले हार ७३ रनको फराकिलो हार व्यहोरेको थियो। हङकङमा जारी त्रिकोणात्मक टी–२० अन्तर्राष्ट्रिय क्रिकेट शृंखलाको आइतबार खेलिएको नेपाल र घरेलु टोलीबिचको खेल अनिर्णित रुपमा सकिएको छ ।

हङ्कङको पहिलो विकेट करण केसीले लिएका थिए । करणले हङ्कङका ओपनर ब्याट्सम्यान मार्टिन कोट्जीलाई खाता खोल्नुअघि नै गुलसन झाद्वारा क्याच गराएका थिए । हङकङको दोस्रो विकेट गुलसन झाले लिएका थिए । गुलसनले हङकङका ओपनर ब्याट्सम्यान निजाकत खानलाई २५ रनको ब्यक्तिगत स्कोरमा बोल्ड गरेका थिए ।

पेभेलियन फर्किनुअघि हङकङका कप्तान निजाकतले २० बलमा एक छक्का र तीन चौका हिर्काएका थिए । ७.२ ओभरमा निजाकत आउट हुँदा हङकङले ६१ रन बनाएको थियो । नेपाललले आफ्नो दोस्रो खेल मंगलबार पपुवा न्यु गिनीसँग खेल्नेछ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.