Nepal Times
Nepal Times
153
Shares

रमजानका बेला जेरुसेलममा हिंसा फैलिने डर

रमजानका बेला जेरुसेलममा हिंसा फैलिने डर

२८ फागुन , विराटनगर ।

गाजामा युद्ध जारी राखेको इजरायली सरकारको १२ महिनाको बजेट घाटा सन् २०२३ को फेब्रुअरीको अन्त्यसम्म १०५.१ अर्ब शेकेल (२९.४ बिलियन अमेरिकी डलर) पुगेको छ । सन् २०२३ को फेब्रुअरी र यस वर्षको जनवरी बीचको अघिल्लो १२ महिनाको घाटाको तुलनामा यस समयावधिमा करिब १८ प्रतिशतले वृद्धि भएको छ । गत वर्ष यसै अवधिमा ८९.१ बिलियन शेकेल (२४.९३) अर्ब अमेरिकी डलर रहेको सरकारी तथ्याङ्कले देखाएको छ ।

अर्थ मन्त्रालयले घाटा वृद्धिको मुख्य कारण हमाससँग जारी द्वन्द्वसँग सम्बन्धित उच्च खर्चले गर्दा भएको बताएको छ । यसैबीच इजरायली प्रधानमन्त्री बेन्जामिन नेतान्याहूले अमेरिकी राष्ट्रपति जो बाइडेनको टिप्पणीलाई अस्वीकार गरेका छन् । गाजामा जारी युद्धले ‘इजरायललाई सहयोग पुगिरहेको सट्टा चोट पुर्याइरहेको छ,’ भन्ने बाइडेनको टिप्पणी गलत भएको नेतान्याहूले भनेका हुन् ।

बाइडेनले शनिबार गाजामा इजरायलको आक्रमणमा निर्दोषले ज्यान गुमाइरहेकोमा बढी ध्यान दिनुपर्ने भनेका थिए । नेतान्याहूको यो कदम इजरायलको हित विपरीत भएको बाइडेनले भनेका थिए । यसमा नेतान्याहूले आइतबार राति पोलिटिकोसँगको अन्तर्वार्तामा यो भनाइको विरोध गरेका हुन् ।“म बहुसंख्यक, बहुमत इजरायलीको चाहना विपरीत आफ्नो निजी स्वार्थले अघि बढिरहेको हो र यसले इजरायलाई अहित गर्छ भनेर बाइडेनले भन्न खोजेका हुन् भने उनी दुवैतरिकाले गलत छन्,” नेतान्याहूले भनेका छन् ।

बाइडेन र नेतन्याहुबीचको यो आरोपप्रत्यारोपबीच इजरायल र गाजाबीच युद्धविरामको प्रयास असफल भएको छ । यसले इस्लामिक पवित्र महिना रमजानको अवसरमा विशेष गरी राजधानी जेरुसेलममा हिंसा फैलिने डर थपिएको छ । आज मार्च ११ देखि शुरु हुने रमजान पर्वको अवसरमा हमासले प्यालेस्टाइनीहरूलाई अल–अक्सा मस्जिदको भ्रमण गर्न आह्वान गरेको छ । तर इजरायलले हमासलाई रमजानको समयमा यस क्षेत्रलाई प्रज्वलित गरी नियन्त्रण गर्न खोजेको आरोप लगाएको छ

प्यालेस्टाइनीहरुले आज राति चन्द्रमा देखिएसँगै एक महिनाका लागि रमजान पर्व मनाउन शुरु गर्दैछन् । यसअघि रमजानको अवसरमा शुरुदेखि नै ४० दिने युद्धविराम गर्ने प्रयास असफल भएको खबरमा उल्लेख छ । युद्धविरामबारे दुवै पक्ष सकारात्मक देखिए पनि व्यवहारिक रुपमा प्रभावकारी नभएको देखिन्छ । इजरायलले हमासमा आक्रमण जारी राखेको छ भने हमासले बन्धकलाई मुक्त गर्ने कुनै पनि योजना सार्वजनिक गरेको छैन ।

यद्यपि मध्यस्थकर्ताहरूले अझै पनि युद्धविरामका लागि हमास र इजरायलका प्रतिनिधिमण्डललाई भेटेर छलफल गर्ने बताएका छन् ।यसैबीच अमेरिकी राष्ट्रपति जो बाइडेनले आइतबार रमजानअघि विश्वभरका मुस्लिम समुदायलाई बधाई दिदै आफ्नो संदेशमा इजरेल–हमास युद्धबारे पनि चर्चा गरे । सो क्रममा उनले अमेरिकाले इजरेलका बन्धकहरुको रिहाईसंग जोडिएको सम्झौता अन्तर्गत गाजामा कम से कम ६ हफ्ताका लागि तत्काल युद्धविरामका लागि काम जारी राखेको पनि बताए ।

बाइडेन भने, ‘‘हामी स्थायी र दूरगामी स्थिरता, सुरक्षा र शांतिपूर्ण भविष्यको दिशामा गरिरहेको काम जारी राख्नेछौं । हामीले इजरेल–हमासबीच दुई राष्ट्र समाधानमा पनि सहमतिको प्रयास जारी राखेका छौं, ताकि दुवै देशका मानिसहरुले समान स्वतंत्रता, सम्मान, सुरक्षा र समृद्धि प्राप्त गरुन् । उनले अगाडि भने, स्थायी शान्तिको पनि यही नै एकमात्र मार्ग हो’’ । अमेरिकाले जमीन, हवाई मार्ग र समुद्रको माध्यमबाट गाजामा धेरैभन्दा धेरै मानवीय सहायता पुर्याउनका लागि अन्तर्राष्ट्रीय प्रयासहरुको पनि नेतृत्व गर्न जारी राख्ने पनि उनले बताए ।

यहाँनिर एउटा कुरा के स्मरण गर्न जरुरी छ भने अमेरिका त्यही देश हो जसले ७ अक्टुवरको हमलापछि हमासविरुद्धको इजरेली कारबाहीलाई उसको अधिकार भएको बताएको थियो । र बाइडेनसहित, एन्टोनी ब्लिन्केन पटक पटक ऐक्यबद्धता जनाउन इजरेल पुगेका थिए । अमेरिकाले इजरेलका लागि बजेट समेत छुट्याएको छ । यद्यपी पछिल्लो समय भने बाइडेनले नेतन्याहूलाई गाजामा निर्दोष नमारिउन भन्दै चेतावनी पनि दिने गरेका छन् ।

तर अझै पनि अमेरिकाको सहयोगमा गाजामा युद्ध जारी राखेका नेतन्याहुले भने राष्ट्रपति बाइडेनका पछिल्ला टिप्पणीहरुलाई रुचाएका छैनन् । पछिल्लो पटक बाइडेनले नेतन्याहूमाथि टिप्पणी गरेपछि नेतन्याहूले भनेका छन्, केही देश हामीलाई सहयोग गर्नुको साटो नोक्सान पुर्याउँदैछन् । तर हामी आतंकवादको अन्त्यका लागि प्रतिबद्ध छौं । उनले रफामा सैन्य कारबाहीको कुरालाई फेरि दोहोर्याउँदै भने, हामी चाहादैनौं कि अघिल्लो वर्षको ७ अक्टुवरको घटना फेरी पनि दोहोरियोस ।

आइतबार दक्षिणी गाजा शहर राफामा सैन्य अभियान शुरू गर्दै नेतन्याहूले आफ्नो अडानलाई फेरी एक पटक दोहोर्याएका हुन् । उनले आतंकबादीको पुरै नामोनिशान मेटाउन लागि परेको बताए । यस्तै अबको यो अपरेशन २ महिनाभन्दा धेरै नचल्ने पनि उनले जानकारी दिए । तर उनले ठ्याक्कै समयसीमाका बारेमा भने केही खुलाएनन् ।

यसबीच गाजापट्टीमा जारी इजरायली आक्रमणबाट अहिलेसम्म मृत्यु हुने प्यालेस्टाइनीको संख्या ३० हजार ९६० पुगेको छ । साथै ७२ हजार ५२४ अन्य घाइते भएका छन् । पछिल्लो २४ घण्टामा इजरायली सेनाले ८२ प्यालेस्टाइनीको हत्या गरेको छ भने १२२ जना घाइते भएका छन् । शुक्रबार रातिदेखि गाजापट्टीका धेरै क्षेत्रहरूलाई लक्षित गरी इजरायली हवाई आक्रमणमा दर्जनौँ प्यालेस्टाइनीहरू मारिएका छन् ।

जसमध्ये अधिकांश बालबालिका र महिलाहरू मारिएका छन् । दक्षिणी गाजापट्टीका खान युनिस र रफाह सहरहरूमा भएका धेरै घरहरूलाई निशाना बनाएर गरिएको हवाई आक्रमणमा कम्तीमा २३ जनाको मृत्यु भएको जनाएको छ । गाजामा चलिरहेको यो मानव समूदायको विनाश, यो युद्धलाई लिएर अमेरिका र इजरेलका चेतावनीहरु, युद्धविरामका लागि भएका असफल प्रयासहरुबारे तपाइँ पनि आफ्ना टिप्पणीहरु राख्न सक्नुहुनेछ । ताजा खबरका लागि नेपाल टाइम्स्को अनलाइन पोर्टल डब्लु डब्लु डब्लु डट नेपाल टाइम्स् डट नेटमा गएर हेर्न सक्नु हुनेछ । यसैगरि हाम्रो युट्युव च्यानल र फेसबुक पेज पनि अवस्य भिजिट गर्नुहोला । तपाईले गर्नु भएको लाइक, कमेन्ट, सेयर र सब्क्राइबका लागि धेरै धन्यवाद ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.