Nepal Times
Nepal Times
954
Shares

नयाँ मन्त्री बारे बालेनको ब्यंग्यः हिसाब गरेर गोजी भरेर निस्कनु छ

नयाँ मन्त्री बारे बालेनको ब्यंग्यः हिसाब गरेर गोजी भरेर निस्कनु छ

४ चैत, काठमाण्डौ ।
केन्द्रमा सत्ता समीकरण फेरबदल भएको एक सातासम्म यसका विषयमा कुनै टिप्पणी नगरेका काठमाडौँ महानगरपालिकाका मेयर बालेन्द्र (बालेन) शाहले नयाँ मन्त्रीहरूमाथि ब्यंग्य गरेका छन्। समसायिक राजनीति देखि नेताहुँदै मन्त्री, प्रधानमन्त्रीसम्मलाई तिखो टिप्पणी गर्न पछि नपर्ने बालेनले स्वास्थ्य मन्त्रालयमा भएका एकजना डाक्टरले भनेको भन्दै नयाँ मन्त्रीहरूबारे तिखो व्यंग्य गरेका हुन् ।

उनले आफूले सुनेको कुरा गलत होस् पनि भनेका छन्। ‘नयाँ मन्त्रीज्यूहरूले सबै पुरानो फाइल खोल्दै हुनुहुन्छ रे, टाइम कम छ, हिसाबकिताब गरेर गोजी भरेर निस्किनु पर्ने छ रे, सरकार जति दिन टिक्छ’, मेयर बालेनले सामाजिक सञ्जालमा लेखेका छन्, ‘स्वास्थ्य मन्त्रालयमा भएको एउटा भाइ डाक्टरसा’बको कुरा मैले सुनेको कुरा गलत होस्। म आशावादी छु सरकारप्रति।’

मेयर बालेनले कसलाई व्यंग्य गरेको भन्ने खुलाएका छैनन् । यद्यपि उनले राष्ट्रिय स्वतन्त्र पार्टीबाट मन्त्री बनेकाहरुलाई लक्षित गरेको अनुमान गरिएको छ। सरकारमा सहभागि भएसँगै रास्वपाका सभापति तथा उपप्रधान तथा गृहमन्त्री रवि लामिछानेले चेक लिस्टसहित आएको भन्दै कम्परमाइज नहुने बताएका थिए ।

यस्तै संसदमा प्रतिपक्ष नेपाली कांग्रेसले राजीनामा माग्दै रोष्टम नै घेरेपछि संसद बाहिर गृहमन्त्री रविले पद कहिलेसम्म रहने थाहा नभएपनि पदमा रहुन्जेल काम गर्न नछाड्ने बताएका थिए। उनले भनेका थिए , कति दिन हुन्छु मलाई थाहा छैन । जति दिन हुन्छु, डटेर नझुकीकन आफ्नो काममा निरन्तर लागिरहनेछु ।

रविले लामो समयदेखि भ्रष्टचारका पुराना फाइलहरु खोतल्ने बताउँदै आएका छन् । यस्तै रास्वपाकै युवा तथा खेलकुद मन्त्री विराजभक्त श्रेष्ठले समेत हरेक दिनलाई आफ्नो अन्तिम दिनका रुपमा लिदै केही न केही काम गर्ने बताएका थिए । यही फागुन २१ गते एमाले–रास्वपासहितको नयाँ गठबन्धन बनेपछि नयाँ मन्त्रीहरु थपिएका छन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.