रविले कांग्रेसलाई मैदानमा बोलाए, तयार छन् गगन ?

११ चैत , काठमाण्डौ।
सहकारी प्रकरणमा प्रतिनिधिसभामा सत्तारुढ बन्नासाथ प्रतिपक्ष नेपाली कांग्रेसबाट घेरिएका राष्ट्रिय स्वतन्त्र पार्टीका सभापति तथा उपप्रधान तथा गृहमन्त्री रवि लामिछानेले कांग्रेसलाई आफूमाथि लगाएको आरोप पुष्टि गर्न चुनौती दिएका छन् । गृहमन्त्री लामिछानेले ठाडो उजुरीलाई आधार मानेर सदनमा आफूलाई बोल्न नदिएको भन्दै कांग्रेसले आफ्नो नैतिकता भूलेको टिप्पणी गरेका छन् ।

शनिबार दिउसो काठमाडौंमा आयोजित एक कार्यक्रममा समेत काग्रेसविरुद्ध खनिएका रविले साझ सामाजिक संजालमार्फत काग्रेसले उठाएका प्रश्नको जवाफ सहित आरोप पुष्टि गर्न चुनौती दिएका छन् । उनले लेखेका छन्, म चुनौतीका साथ भन्न चाहन्छु, त्यो एउटा ठाडो उजुरीलाई लिएर सदन नै अवरुद्ध गर्न खोज्नुभएको छ । म उहाँहरुलाई भन्न चाहन्छु– तपाईं कहाँ कहिले कुन मितिमा मलाई बोलाउनुहुन्छ ? सदनमा त मलाई बोल्न दिनुभएको छैन । मैले आफ्ना कुरा राख्न पाएको छैन । ठीक छ, जनताको माझमा खुला रुपमा बहस गरौं । तपाईंले भनेको ठाउँ र मितिमा बोलाउनुस् र प्रमाणित गरिदिनुस्, तपाईं भएभरका सबै लयर र प्रभावशाली नेताहरु बोकेर आउनुहोला । सबै प्रमाणहरु लिएर आउनुहोला । म एक्लै आउँछु । सदनमा तपाईंहरुले कनिकनि लेखेका प्रश्नहरु मैले सुनिरहेको छु । तर, मैले जवाफ दिन पाएको छैन । तपाईंहरुका प्रश्नहरु ९ मिनेट १८ सेकेन्डमा सबै निस्तेज हुनेछन् । किन बोल्न दिनुहुन्थ्यो र ! ठीक छ, तपाईं पनि जनताको मान्छे, म पनि जनताको मान्छे ! तपाईंलाई निर्वाचित गर्ने मान्छेका अगाडि उभिएर म बहस गर्न चाहन्छु । तपाईं आफ्नो विज्ञसहित आउनुहोला । प्रमाण सबै लिएर आउनुहोला, म एक्लै आउँछु । आमजनताले हेरुन् त्यो इभेन्ट, प्रत्यक्ष प्रशारण होस्, सिंगो देशले हेरोस् । दूधको दूध, पानीको पानी छुट्टियोस् । कांग्रेस जस्तो इतिहास बोकेको पार्टी कुन चिर्कटमा उभिएको छ भन्ने हामीले हेरेका छौं । सहकारीको विषयमा अदालतमा मुद्दा गएको छ रवि लामिछाने प्रतिवादी हो कि होइन ? हेरोस् । अनिमात्रै सदनमा कुरा गरोस् । जुन मुद्दामा बहस चलेको छ, त्यो सबै प्रमाण बोकेर आओस् । मलाई प्रमाणित गरिदिए हुन्छ, तत्काल के गर्नुपर्ने त्यहीबाट गरौंला । उनले कांग्रेस महामन्त्री गगन थापा तर्फ लक्षित गर्दै थप भनेका छन्, मेरो चुनौती छ । यति भन्दिनुस्, म कहाँ आऊँ बहस गर्न । एक्लै हरेक जिज्ञासाको जवाफसहित समाधान दिन्छु । यो बहस अझै काठमाडौं ४ मा भयो भने मलाई सहज हुन्थ्यो । काठमाडौं ४ गगन थापाको निर्वाचन क्षेत्र हो ।

संसदमा गगन रविप्रति आक्रोशित रुपमा प्रस्तुत हुँदै नैतिकतासहित राजीनामाको माग गरिरहेका छन् । रविले कांग्रेसका नाममा लेखेको स्टाटसमा कन्फिल्क्ट अफ इन्ट्रेसका बारेमा पनि काग्रेस माथि नै प्रश्न गरेका छन् । उनले भनेका छन्, प्रमाण भेटिदा बालकृष्ण खाँडलाई घरबाट टिपेर लानु हुने तपाईहरुले प्रमाण पाएको भए मलाई यत्तिका समय, के माया लागेर छोड्नु भएको हो र ? म त प्रतिपक्षमा थिएं। सक्दो गर्नु भो, केही नलागे पछि Conflict of Interest भए पनि ऋचभबतभ गरौ भनेर यो सब प्रपंच गर्नु भो। त्यसैको आडमा सारा हर्कत गर्दै हुनु हुन्छ। This is not CONFLICT OF INTEREST, This is  A PRINCIPLE OF CREATING CONFLICT OF INTEREST नेपाली कांग्रेसका निष्ठावान साथीहरूलाई यो कुरा थाहा होस् भनेर सप्रेम यति वर्णन गरेको हुँ। उनले प्रश्न गरेका छन्, यस्तो स्तरहिन राजनीतिले नेपाली कांग्रेस जस्तो लोकतान्त्रिक दललाई कहाँ पुर्याउला??