Nepal Times
Nepal Times
3.28k
Shares

इलामका लागि हर्कले बोली फेरे, रास्वपाविरुद्ध आगो

इलामका लागि हर्कले बोली फेरे, रास्वपाविरुद्ध आगो

१३ चैत , विराटनगर ।

धरान उपमहानगर पालिकाका मेयर हर्क साम्पाङ श्रम अभियान र सामाजिक संजालमा ब्यक्त अभिब्यक्तिका कारण सधै चर्चामा आउने गरेका छन् । सामाजिक संजालमा विहान झिसमिसैदेखि मध्यरातसम्म सक्रिय रहने साम्पाङले ब्यक्त गरेका धारणाबाट उनका पक्ष र विपक्षमा मत राख्नेहरु प्रशस्तै देखिन्छन् । यद्यपि चुनाव जित्नसाथ उनका प्रशंसक बनेकाहरु अहिले आफै हर्कका आलोचक बनेका छन् ।

समय क्रमसँगै हर्कले आफूलाई परिवर्तन गर्दै लगेका छन् । सुरुवातका दिनमा काठमाडौं महानगरका मेयरसँग सामाजिक संजालमा भिडेका हर्क अहिले बालेनका समर्थक बनेका छन् । अर्काेतर्फ सुरुवातका दिनमा राष्ट्रिय स्वतन्त्र पार्टी र नेताका प्रशंसक बनेका हर्क पछिल्लो समय धेरै आलोचक बनेका छन् । कुनैसमय पूर्व पर्यटन मन्त्री सुदन किराँतीको प्रशंसक बनेका हर्क धरानमा विमानस्थल बन्न नसक्ने प्रतिवेदन सार्वजनिक हुनासाथ सबैभन्दा बढी आलोचक बनेका थिए ।

अहिले मेयर हर्क इलामको आसन्न उपनिर्वाचनलाई लिएर आफैले समर्थन गर्छु भनेका स्वतन्त्र उम्मेदवार र खासगरी राष्ट्रिय स्वतन्त्र पार्टीप्रति आक्रमक भएका छन् । केही दिन अघि मात्रै इलाम २ मा स्वतन्त्र उम्मेदवारी दिएका पत्रकार मिलन लिम्बूलाई सर्मथन गर्ने वचन दिएका हर्कले अहिले उनकै आलोचना गरेका छन् ।

माओवादीनिकट पत्रकार संगठन प्रेस सेन्टर नेपालको सचिवबाट केही दिनअघि मात्रै राजीनामा दिएका पत्रकार लिम्बूलाई राष्ट्रिय स्वतन्त्र पार्टीले इलाम २ बाट उम्मेदवार बनाउने तयारी गरेको खबर बाहिरिएसँगै हर्क असन्तुष्ट देखिएका छन् । उनले खुला रुपमा रास्वपाले चुनाव हार्नुपर्ने उल्लेख गरेका छन् ।

यसैलाई लक्षित गर्दै उनले लेखेका छन्, इलामको उपनिर्वाचनमा रास्वपाबाट मिलन उठोस् कि बिछोड हार्छ र हार्नु पर्छ किनकि यो पार्टी म जस्तो देशलाई माया गर्ने र दुःख गर्ने मान्छेलाई सिध्याउन जन्मेको हो ! पहिचान र संघीयताको विरोधी हो ! प्रदेशको चुनावमा भाग नलिएको प्रमाण छ ! यतिमा मात्रै हर्क रोकिएकाक छैनन् । उनले फेरि अर्काे स्टाटस लेखेका छन्, अवसरको पछि लागेर एकै महिनामा दुइटा पार्टी परिवर्तन गर्नेलाई भोट दिएर के हुन्छ र हौ ? अपरिपक्कताको पराकाष्ठा !

यस्तै मिलन लक्षित उनको अर्काे स्टाटस छ, हिजो मात्रै स्वतन्त्र बनेर लड्छु, पार्टी सबै त्यागेको भन्ने मिलन लिम्बुले तपाइँलाई धोका दिन्न माङ्सेबुङको पवित्र माटोको कशम भन्या थियो ! २४ घण्टा सम्म पनि आफ्नो प्रतिबद्धतामा टिक्न सकेन ! बिकास गर्लान् त भोलि ? घोर शंकाको विषय ! पहिचानवादीका रूपमा चिनिएका मिलन भने जनजाति पत्रकार महासंघ (फोनिज) का महासचिवसमेत हुन् ।

लिम्बूले इलाम २ बाट स्वतन्त्र चुनाव लड्ने औपचारिक घोषणा गरिसकेका छन् । उनी पहिचानवादीका साझा उम्मेदवार बन्ने योजनामा थिए । तर कोशी पुनः नामांकन संयुक्त संघर्ष समितिले डकेन्द्रसिंह थेगिम लिम्बूलाई उम्मेदवार घोषणा गरेपछि उनले स्वतन्त्र उम्मेदवारी घोषणा गरेका छन् ।

 

उम्मेदवार घोषणा गर्नुभन्दा अगाडि उनले माओवादीबाट राजीनामा दिएका थिए । रास्वपा नेतृत्वले उनीसँग संवाद गरिरहेको बताइएको छ । रास्वपाले १७ गते उम्मेदवार घोषणा गर्ने तयारी गरेको छ । यसका लागि भने रास्वपाको विधानत मिलन उम्मेदवार बन्न भने मिलनले सुरूमा प्राइमरीमा आफ्नो दावी पेश गर्नुपर्छ । साथसाथै, रास्वपामा प्रवेश पनि गर्नुपर्ने हुन्छ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.