Nepal Times
Nepal Times
1.15k
Shares

रनको वर्षा भएको खेलमा मुम्बईको हार ,हैदरावादले बनायो रेकर्डसहितको जित

रनको वर्षा भएको खेलमा मुम्बईको हार ,हैदरावादले बनायो रेकर्डसहितको जित

१५ चैत , एजेन्सी ।

इन्डियन प्रिमियर लिगको इतिहासमा सनराइजर्स हैदरावादले सर्वाधिक रनको कीर्तिमान बनाएको छ । हैदरावादमा जारी आईपीएल २०२४ अन्तर्गत बुधबार मुम्बई इन्डियन्सविरुद्धको आठौँ खेलमा सनराइजर्सले पहिले ब्याटिङ गर्दै २७८ रनको ठूलो स्कोर बनाएको हो । रनको वर्षा भएको खेलमा टोलीका तर्फबाट ट्राभिस हेडले २४ बलमा ६२, अभिषेक शर्माले २३ बलमा ६३ र क्लासेनले ३४ बलमा ८० रन बनाए ।

हैदरावादको टोलीले यस खेलमा कुल १८ छक्का र १९ चौका प्रहार गरेको थियो । ओपनर मयंक अग्रवाललाई ११ रनमा गुमाएको हैदराबादलाई दोस्रो विकेटका लागि हेड र शर्माले २३ बलमा ६८ रनको साझेदारी गरेका थिए । मुम्बईमा सबै बलर महंगो सावित भए । १७ वर्षीय दक्षिण अफ्रिकी बलर क्वेना मफाकाले ४ ओभरमा ६६ रन खर्चिए ।

जस्तै कप्तान हार्दिक पन्ड्याले ४६, जेराल्ड कोटजीले ५७ रन दिंदै १–१ विकेट पनि लिए । अर्को एक विकेट पियुस चावलाले लिए । उनले २ ओभरमा ३४ रन खर्चिएका थिए । जस्पृत बुम्राहले ४ ओभरमा ३६ रन खर्चिए । हैदरावादले रेकर्ड बनाउँदा पाँच पटकको च्याम्पियन मुम्बई इन्डियन्स ३१ रनले पराजित भयो । मुम्बईको यो लगातार दोस्रो हार र हैदराबादको पहिलो जित हो ।

जितको लागि २७८ रनको लक्ष्य पछ्याएको मुम्बईले २० ओभरमा ५ विकेट गुमाउँदै २४६ रन बनायो । मुम्बईका तिलक बर्माले ३४ बलमा २ चौका र ६ छक्कासहित सर्वाधिक ६४ रन बनाए । ईशान किशन १३ बलमा २ चौका र ४ छक्कासहित ३४, रोहित शर्मा २६, नमन धिर ३० र हार्दिक पान्ड्या २४ रनमा आउट भए ।

टिम डेविड २२ बलमा २ चौका र ३ छक्कासहित ४२ रनमा नट आउट रहे । हैदराबादका जयदेव उनादकट र प्याट कमिन्सले २–२ विकेट लिए । त्यसअघि राजीव गान्धी इन्टरनेसनल रंगशालामा टस हारेर पहिला ब्याटिङको निम्तो पाएको हैदराबादले निर्धारित २० ओभरमा ३ विकेट गुमाउँदै २७७ रन बनाएको थियो ।

यसअघि आईपीएलमा सर्वाधिक योगफल सन् २०१३ मा रोयल च्यालेन्जर्स बेंगलुरुले पुणे वारियर्सविरुद्ध २० ओभरमा ५ विकेट गुमाउँदै २६३ रन बनाएको थियो । उक्त कीर्तिमान हैदरावादले तोड्दै इतिहासकै ठूलो योगफल बनाएको हो । यो हैदराबादको यस संस्करणको पहिलो जित हो । मुम्बई भने दुवै खेलन पराजित भएको छ । आज हुने खेलमा राजस्थान रोयल्स र दिल्ली क्यापिटल्स भिड्ने छन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.