Nepal Times
Nepal Times
360
Shares

एरिकाले अमेरिकामा जितिन् स्वर्ण पदक

एरिकाले अमेरिकामा जितिन् स्वर्ण पदक

१९ चैत , काठमाण्डौ ।

नेपालकी एरिका गुरुङले अमेरिकाको टेक्ससमा जारी युएसए ओपन अन्तर्राष्ट्रिय करातेको यू–२१ उमेर समूहको ६८ केजी तौल समूहमा स्वर्ण पदक जितेकी छिन् । गएराति सम्पन्न खेलमा एरिकाले उमेर समूहमा स्वर्ण पदक जितेकी हुन् । तर ६८ केजी माथि तौल समूहमा भने उनले रजत पदकमा चित्त बुझाउनु परेको छ ।

सोमबार भएको फाइनलमा एरिका अमेरिकी खेलाडी सँग ३–२ ले पराजित भएकी हुन् । गत असोजमा चीनमा भएको १९ औं एसियाली खेलकुद (एसियाड) की रजत पदक विजेता एरिकाले ६८ केजी माथि खुला र यु २१ दुवैको फाइनलमा पुगेकी थिइन् । अर्को खेलाडी विप्लभलाल श्रेष्ठ भने ८४ केजी मुनिको तौल समूहको सेमिफाइनलमा रोकिएका थिए ।

एरिका र विप्लभलालका साथ प्रशिक्षकद्वय दीपक श्रेष्ठ र कुशल श्रेष्ठ छन् । ४ सदस्यीय टोली गत साता त्यसतर्फ गएको थियो । एसियाली खेलकुदमा एरिकाले जितेको पदक कुनै पनि नेपाली कराँते खेलाडीले एसियाडमा जितेको पहिलो र एकमात्र रजत पदक हो ।

एरिकाले इन्डोनेसियामा भएको १०औँ विश्व सितोरियो कराँते च्याम्पियनसिपमा पनि स्वर्ण पदक जितेकी थिइन् । विप्लव भने १३ औँ दक्षिण एसियाली खेलकुदका स्वर्ण पदक विजेता हुन् ।

 

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.