Nepal Times
Nepal Times
2.1k
Shares

आईपीएलमा आज बैंगलुरु भर्सेस लखनउ, को छ बलियो ?

आईपीएलमा आज बैंगलुरु भर्सेस लखनउ, को छ बलियो ?

२० चैत , एजेन्सी ।
इन्डियन प्रिमियर लिग (आईपीएल) को १७औँ संस्करणमा मंगलबार रोयल च्यालेन्जर्स बैंगलुरुले लखनउ सुपर जाइन्ट्सको सामना गर्दै छ । खेल बैंगलुरुस्थित एम. चिन्नास्वामी स्टेडियममा नेपाली समयअनुसार, राति ७ः४५ बजे सुरु हुनेछ । जारी सिजनको आईपीएलमा बैंगलुरुले आफ्नो चौथो खेल खेल्न लागेको हो । लखनउले भने तेस्रो खेल खेल्न लागेको हो । यसअघि दुई खेल खेलेको लखनउले एक जित र एक हारको नतिजा निकालेको छ ।

लखनउ दुई अङ्कसहित तालिकाको छैटौँ स्थानमा आसीन छ । रोयल च्यालेन्जर्स बैंगलुरुले भने यसअघि खेलिएको तीनमध्ये एक खेलमा जित र दुई खेलमा हारको नतिजा निकालेको छ । दुई अङ्कसहित बैंगलुरु तालिकाको नवौँ स्थानमा छ । यी दुवै टोलीले हालसम्म आईपीएलको उपाधि जित्न सकेका छैनन् । इन्डियन प्रिमियर लिगमा हालसम्म यी दुई टोलीबिच कुल चार खेल खेलिएको छ ।

त्यसमध्ये तीन खेलमा बैंगलुरु विजयी भएको छ । एक खेलमा भने लखनउले बैंगलुरुलाई हराएको छ । अघिल्लो सिजनको आईपीएलमा लखनउले बैंगलुरुलाई एक विकेटले हराएको थियो । केएल राहुल लखनउका कप्तान हुन् । तर, पञ्जाब किङ्सविरुद्धको खेलमा उनी कप्तानको भूमिकामा नभई इम्प्याक्ट प्लेयरको रूपमा मैदानमा ओर्लिएका थिए । राहुल घाइते भएका कारण उक्त खेलमा निकोलस पुरनले कप्तानको भूमिका निर्वाह गरेका थिए ।

जारी सिजनको आईपीएलमा विराट कोहली बैंगलुरुका सर्वाधिक रन बनाउने खेलाडी हुन् । उनले बैंगलुरुका लागि हालसम्म तीन खेलमा कुल एक सय ८१ रन बनाएका छन् । तीनमध्ये दुई खेलमा विराटले अर्धशतक पनि बनाएका छन् । यस्तै आईपीएलको १४ औं खेलमा राजस्थान रोयल्सले मुम्बई इन्डियन्सलाई ६ विकेटले पराजित गरेको छ । प्रतियोगितामा लगातार तेस्रो जित निकालेको राजस्थान अंक तालिकाको शीर्ष स्थानमा छ ।

घरेलु मैदान वागंखडे क्रिकेट स्टेडियममा भएको खेलमा मुम्बईले दिएको १२६ रनको लक्ष्य राजस्थानले १५ दशमलब ३ ओभरमा ४ विकेट गुमाएर पूरा गर्यो । राजस्थानको जितमा रियान परागले ३९ बलमा ५ चौका र ३ छक्काको सहयोगमा ५४ रनको अर्धशतकीय ईनिङ खेले । रविचन्द्रन आश्विनले १६ बलमा १ चौकाको सहयोगमा १६ रन बनाए । पराग र आश्विनले चौथो विकेटका लागि ४० रनको साझेदारी गरे ।

सो साझेदारी नै जितमा निर्णायक बन्यो । जोस बटलरले १६ बलमा १३ तथा कप्तान सन्जु सामसनले १० बलमा १२ रन बनाए । मुम्बईका लागि आकाश मठवालले ३ तथा कउइना मफाकाले १ विकेट लिए । त्यसअघि टस हारेर पहिले ब्याटिङ गरेको मुम्बईले निर्धारित २० ओभरमा ९ विकेट गुमाएर १ सय २५ रन बनाएको थियो । मुम्बईका लागि कप्तान हार्दिक पान्ड्याले २१ बलमा ६ चौकाको सहयोगमा ३४ रन बनाए ।

तिलक बर्माले २९ बलमा २ छक्काको सहयोगमा ३२ रन बनाए । पान्ड्या र बर्माले ५ औ विकेटका लागि ५६ रनको साझेदारी गर्दै टोलीलाई राम्रो योगफलमा पुर्याउने लक्ष्य राखे पनि पान्ड्यालाई युजभेन्द्र चहलले आउट गराए पछि त्यो साझेदारी तोडिएको थियो । राजस्थानका लागि ट्रेन्ट बोल्ड र युजभेन्द्र चहलले समान ३ तथा नान्र्दे बर्गरले २ विकेट लिए । तेस्रो हार व्यहोरेको मुम्बई अंक तालिकाको पुछारमा रहेको छ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.