Nepal Times
Nepal Times
3
Shares

पतञ्जलीका १४ उत्पादनको लाइसेन्स खारेज

पतञ्जलीका १४ उत्पादनको लाइसेन्स खारेज

१८ वैशाख , एजेन्सी ।

भारतको उत्तराखण्ड सरकारले योग गुरु बाबा रामदेवको औषधि कम्पनी पतञ्जलीका १४ वटा उत्पादनको उत्पादन अनुमतिपत्र खारेज गरेको छ । कम्पनीले बारम्बार आफ्ना उत्पादनका बारेमा भ्रामक विज्ञापन प्रकाशित गरेको भन्दै यस्तो गरेको हो । रामदेव, पतञ्जलीका महाप्रबन्धक आचार्य बालकृष्ण र पतञ्जलीविरुद्ध लागू औषध तथा जादुई उपचार ऐन उल्लङ्घन गरेको भन्दै आपराधिक उजुरी पनि दायर गरिएको छ ।

लाइसेन्स रद्द भएका उत्पादनहरूमा स्वासारी गोल्ड, स्वासारी वाटी, ब्रोन्कोम, स्वासारी प्रवाही, स्वासारी अवलेह, मुक्ता वटी एक्स्ट्रा पावर, लिपिडोम, बीपी ग्रिट, मधुग्रिट, मधुनाशिनी वटी एक्स्ट्रा पावर, लिवामृत एडभान्स, लिभोग्रिट, आईग्रिट गोल्ड र पतञ्जलि दृष्टि आई ड्रप पनि समावेश छन् ।उत्तराखण्ड सरकारले सर्वोच्च अदालतमा दिएको शपथ पत्रमा यस्तो जवाफ दिएको हो ।

सर्वोच्च अदालतमा रामदेव र पतञ्जलिका प्रबन्ध निर्देशक बालकृष्णविरुद्ध अदालतको आदेशको अवहेलना गरेको मुद्दाको सुनुवाइ भइरहेको अवस्थामा राज्य सरकारले यो कारबाही गरेको हो । पतञ्जलीले हालै मात्र पत्रपत्रिकामा माफीनामा छापेको थियो । पतञ्जली आयुर्वेदको भ्रामक विज्ञापनको मुद्दा सर्वोच्च अदालतमा पनि चलिरहेको छ ।

सुनुवाइका क्रममा सर्वोच्चले रामदेव, कम्पनीका प्रबन्ध निर्देशक आचार्य बालकृष्ण र कम्पनीमाथि गम्भिर प्रश्न उठाएको थियो । अदालतमा रामदेव र बालकृष्णले पनि माफी मागेका थिए । जीएसटी इन्टेलिजेन्स विभागले पतञ्जली फुड्सलाई कारण देखाउ नोटिस पठाएको छ, कम्पनीलाई यसबाट २७ दशलमव ४६ करोड भारतीय रूपैयाँको कर क्रेडिट किन बरामद गर्न नहुने भनेर सोधेको छ।

कम्पनीले २६ अप्रिलमा नियामकलाई दिएको जानकारी अनुसार जीएसटी इन्टेलिजेन्सको महानिर्देशालय चण्डीगढ जोनल एकाइबाट प्राप्त सूचनामा कम्पनीलाई किन जरिवाना लगाउनु हुँदैन भनेर पनि भनिएको छ। इन्डियन मेडिकल एसोसिएसनले औषधि र जादुई उपचार (आपत्तिजनक विज्ञापन) ऐनको उल्लङ्घन गरेकोमा पतञ्जली विरुद्ध कारबाही गर्न माग गरेको छ।

जसले मधुमेह, हृदय रोग, उच्च वा निम्न रक्तचाप लगायतका विशेष रोग र विकारहरूको उपचार गर्न केही उत्पादनहरूको विज्ञापन निषेध गर्दछ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.