१९ वैशाख ,एजेन्सी ।
दिल्ली–एनसीआरका क्षेत्रका करिब १०० विद्यालयमा बम राखिएको धम्कीपूर्ण इमेलहरू पठाइएको छ। दिल्ली पुलिसका अनुसार यो धम्की सोही इमेलबाट पठाइएको हो। यो इमेल रूसी सर्भरबाट बिहान ५ः ३६ मा पठाइएको थियो। दिल्ली प्रहरी, बम डिस्पोजल स्क्वाड, दमकल र एम्बुलेन्स सबै विद्यालयमा पुगेका छन् । बमको खोजी भइरहेको छ ।
इमेल पठाउनेको पनि खोजी भइरहेको भारतीय प्रहरीलाई उदृत गर्दै भारतीय संचारमाध्यामहरुले उल्लेख गरेका छन् । इमेलमा डीपीएस द्वारका, डीपीएस वसन्त कुञ्ज, डीपीएस नोएडा, डीपीएस रोहिणी, ग्रीन भ्याली नजफगढ, मदर मेरी स्कूल मयुर विहार, संस्कृति स्कूल, डीएभी साउथ वेस्ट र अमिता साकेत लगायत नामहरू देखा परेका छन्।
इन्डियन एक्सप्रेसको रिपोर्ट अनुसार १०० विद्यालयमा धम्कीपूर्ण मेल पठाइएको छ । यता गृह मन्त्रालयले भने अहिले नै आत्तिनुपर्ने अवस्था नरहेको बताएको । ‘सुरक्षा निकायले कारबाही गरिरहेको छ । प्रोटोकल अनुसार कारबाही भइरहेको छ । यो झूटो धम्की पनि हुन सक्छ,’ मन्त्रालयले भनेको छ ।
रिपोर्टका अनुसार अहिलेसम्म आईपी ठेगाना एउटै रहेको प्रहरीले आशङ्का गरेको छ । एउटै ढाँचाको मेल सबै विद्यालयमा पठाइएको छ। साइबर सेलका अनुसार सर्भर रुसी थियो। मेलमा लेखिएको छ, “अल्लाह सुभान व तआलाले हामीलाई एउटा अवसर दिनुभएको छ कि हामीले विरासतमा पाएका केही मानिसहरू इस्लामका शत्रुहरूको बासस्थानमा युद्धको मैदानमा शहीद हुनेछन्।
उनीहरूका लागि ठूलो शक्तिसहित फलाम पठाउनुभएको छ। हाम्रो हातमा रहेको फलामले हाम्रो हृदयलाई अँगालेको छ, हामी यसलाई हावामा पठाउनेछौं र तपाईंको घृणित शरीरलाई च्यात्नेछौं। दिल्ली प्रहरीले यो मेललाई नक्कली भनेको छ ।
