१९ वैशाख , काठमाण्डौ ।
पाँच खेलको सिरिजमा तेस्रो टी–२० क्रिकेटमा बुधबार वेस्ट इन्डिजको ‘ए’ टोलीले नेपाललाई जितका लागि दुई सय २८ रनको विशाल लक्ष्य दियो । यही विशाल लक्ष्यले वेस्ट इन्डिजलाई नेपाल विरुद्ध दोस्रो जित दिलायो । १९दशमलव २ ओभरमा अलआउट हुनु अघि नेपालले मात्र १ सय ५१ रन जोड्न सक्यो । यसअघि नेपाली कमजोर बलिङको फाइदा उठाउदै मात्र तीन विकेट गुमाएर वेस्टइन्डिजले दुई सय २७ रन बनायो ।
वेस्ट इन्डिजका लागि ओपनर ब्याट्सम्यान जोन्सन चार्लसले उत्कृष्ट शतकीय पाली खेले । उनले अविजित रहँदै टोलीका लागि अविजित एक सय १९ रनको योगदान गरे । उनले केवल ६१ बलको सामना गरी सात छक्का र १३ चौका पनि हिर्काए । जोन्सन नेपाली भूमिमा खेलिएको क्रिकेट प्रतियोगितामा शतक प्रहार गर्ने पहिलो क्यारेबियन खेलाडी बनेका छन् ।
जोन्सन चार्लसले वेस्ट इन्डिजको सिनियर टोलीबाट पनि विभिन्न प्रतियोगिता खेलिसकेका छन् । जोन्सन चार्लिस नेपाली भूमिमा खेलिएको क्रिकेट प्रतियोगितामा शतक प्रहार गर्ने पहिलो क्यारेबियन खेलाडी बनेका छन् । जोन्सन चार्लिसले वेस्ट इन्डिजको सिनियर टोलीबाट पनि विभिन्न प्रतियोगिता खेलिसकेका छन् । वेस्ट इन्डिजको ‘ए’ टोली पाँचवटा टी–२० खेलको शृंखला खेल्न हाल नेपाल भ्रमणमा छ ।
वेस्ट इन्डिजको कुनै पनि स्तरको क्रिकेट टोली नेपाल भ्रमणमा आएको यो पहिलो पटक हो । यसअघि खेलिएको पहिलो र दोस्रो टी–२० मा वेस्ट इन्डिजका कुनै पनि ब्याट्सम्यानले शतक बनाउन सकेका थिएनन् । नेपाली ब्याट्सम्यान रोहित पौडेलले भने वेस्ट इन्डिजविरुद्धको पहिलो खेलमा शतक र दोस्रो खेलमा अर्धशतक बनाएका थिए । पाँचवटा टी–२० खेलको शृंखला हाल २–१ को भएको छ ।
शृंखलाको पहिलो खेलमा नेपालले वेस्ट इन्डिजलाई चार विकेटले पराजित गरेको थियो । दोस्रो खेलमा भने भ्रमणकारी टोली वेस्ट इन्डिजले नेपालमाथि १० रनको रोमाञ्चक जित हासिल गरेको थियो । नेपाल भ्रमणमा रहेको वेस्ट इन्डिज ‘ए’ टोलीका अधिकांश खेलाडीले वेस्ट इन्डिजको सिनियर टोलीबाट विभिन्न अन्तर्राष्ट्रिय प्रतियोगिता खेलिसकेका छन् ।
आगामी जुनमा आयोजना हुने आईसीसी टी–२० विश्वकपको तयारीका क्रममा नेपाल र वेस्ट इन्डिजबिच यो अभ्यास खेल खेलिएको हो । वेस्ट इन्डिजको कुनै पनि टोली नेपाल भ्रमणमा आएको यो पहिलो पटक हो । नेपालसँगै वेस्ट इन्डिजसले पनि आगामी टी–२० विश्वकप खेल्दैछ । आईसीसी टी–२० विश्वकपको नवौँ संस्करण आगामी जुन १ देखि २९ तारिखसम्म अमेरिका र वेस्ट इन्डिजमा संयुक्त रुपमा आयोजना हुँदैछ ।
