Nepal Times
Nepal Times
3
Shares

रञ्जिता र रेशमको बाटो अलग, रञ्जिता दलको नेताबाट आउट

रञ्जिता र रेशमको बाटो अलग, रञ्जिता दलको नेताबाट आउट

१७ असार, काठमाण्डौ ।

श्रीमान् श्रीमती समेत रहेका नागरिक उन्मुक्ति पार्टीका संरक्षक रेशम चौधरी र अध्यक्ष रञ्जिता श्रेष्ठबीचको कटुता थप बढेको छ । संरक्षक चौधरीले नै अध्यक्ष समेत रहेकी श्रीमती रञ्जितालाई दलको नेताबाट हटाएका छन् । बहुमत प्रतिनिधि सभा सदस्यहरूको बैठकले आइतबार श्रेष्ठलाई हटाएर प्रमुख सचेतक गंगाराम चौधरीलाई दलको नेताको जिम्मेवारी दिने निर्णय गरेको हो ।

कैलाली–२ बाट प्रतिनिधिसभा सदस्यमा निर्वाचित गंगाराम यसअघि पार्टीको प्रमुख सचेतक थिए । यस्तै पार्टीका संरक्षक लालवीर चौधरीलाई प्रमुख सचेतकको जिम्मेवारी दिइएको छ । बर्दिया–२ बाट निर्वाचित लालवीर रेशम चौधरीका बुवा हुन् । संसदीय दलको नेता परिवर्तन गरेको कुरा औपचारिक रूपमा संसद सचिवालयलाई जानकारी गराउन बाँकी रहेको नाउपाले जनाएको छ ।

दल नेतामा चयन भएका गंगा चौधरीले उक्त निर्णयबारे सचिवालयलाई आज जानकारी गराइने बताए । बैठकको निर्णयमा अध्यक्ष रन्जिता श्रेष्ठको भने हस्ताक्षर छैन । उक्त निर्णयमा गंगाराम, लालविर र अरुणकुमार चौधरीको हस्ताक्षर रहेको छ । रेशम पक्षको यो निर्णयले पार्टी दुई धारमा विभक्त भएको छ । संसदीय दलको नेताबाट हटाइएकी छन् ।

गत फागुनमा संघमा राजनीतिक समीकरण फेरिएपछि नागरिक उन्मुक्ति पार्टीभित्र सरकारमा सहभागिताको विषयलाई लिएर अध्यक्ष श्रेष्ठ र संरक्षक रेशम चौधरीबीच विवाद थियो । श्रेष्ठ नयाँ समीकरणलाई सघाउने र चौधरी कांग्रेससहितको समीकरणको पक्षमा उभिएका थिए ।

सोही विवादकाबीच श्रेष्ठले प्रधानमन्त्री पुष्पकमल दाहाल प्रचण्डलाई विश्वासको मत दिन ह्वीप जारी गरेकी थिइन् । विवादकै कारण सुदूरपश्चिममा समेत प्रदेश सभा सदस्यहरू विभाजित छन् । रञ्जिता पक्षका कैलाश चौधरी र टीका थापा सरकारमा सहभागी भएका बेला रेशम पक्षका अन्य पाँच जना भने कांग्रेससँगै प्रतिपक्षी बेन्चमा बसेका छन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.