१४ साउन, काठमाण्डौ ।
आफूलाई धार्मिक अभियान्ता तथा ज्योतिषी भनेर सामाजिक सञ्जालमा विभिन्न भविष्यवाणी गर्दै आएका पुष्कर खतिवडा पक्राउ परेका छन्। प्रधानमन्त्री केपी शर्मा ओलीसहित विभिन्न दलका नेताहरुको तस्बिर राखेर एक धार्मिक अनुष्ठान गरिरहेका बेला काठमाडौं प्रहरी परिसरको टोलीले उनलाई उनको निवासबाट पक्राउ गरेको हो।
प्रहरीले पक्राउ गरेपछि उनले सामाजिक सञ्जालमा लेख्दै आफू पक्राउ परेको सूचना दिएका छन्। उनले लेखेका छन्, ‘मलाई भर्खरै प्रहरी वृत्त महाराजगञ्ज लगिएको छ। कामना गरौं देश बनोस् ।’ प्रहरीले आपत्तिजनक तरिकाले पूजापाठ गरिरहेको भेटाएपछि पक्राउ गरेको जनाएको छ। धुम्बाराहीस्थित मण्डिखाटारबाट उनलाई पक्राउ गरिएको जिल्ला प्रहरी परिसर काठमाडौंका प्रमुख एसएसपी वसन्त रजौरेले बताएका छन् ।
घरबाटै पक्राउ परेका खतिवडालाई अहिले महाराजगञ्ज प्रहरी वृत्तमा राखिएको छ । प्रहरी अधिकारीका अनुसार उनलाई विद्युतीय अपराध अन्तर्गतको कसुरमा पक्राउ गरिएको हो । चार दिनअगाडि नै नेताहरूको मृत्युको कामना गर्दै एउटा अनुष्ठान आयोजना गर्न लागेको र त्यसमा सबैले साथ दिन भन्दै उनले भिडियो पोष्ट गरेका थिए।
त्रिभुवन विमानस्थलमा जहाज दुर्घटना भएलगत्तै उनले यो भिडिओ पोस्ट गरेका हुन्। उनले देशमा नेताहरुका कारण अत्ति भइसकेको भन्दै धार्मिक अनुष्ठान पूरा गर्ने र त्यसका लागि साथ दिन अनुरोध गरेका थिए। आज बिहान भने खतिवडाले प्रधानमन्त्री ओलीसहित नेताहरुको तस्बिर राखेर उनले पूजा गरेका हुन्। खतिवडा सामाजिक सञ्जालमा पनि निकै चर्चित छन् ।
उनी ज्योतिषी तथा धार्मिक अभियन्ता भनेर आफूलाई चिनाउछन् । खतिवडाले आफ्नो फेसबुक पेजमा अनुष्ठानको लाइभ पनि गरेका छन् । पूजा सामग्रीहरूको बीचमा प्रधानमन्त्री केपी शर्मा ओलीसहित नेताहरूको फोटो राखेको भिडिओमा देखिन्छ । खतिवडाले मन्त्रोच्चारण गरिरहेका छन् । उनले आफ्नो सम्पूर्णानन्द संस्कृत विश्वविद्यालयबाट स्नातक गरेको उनको प्रोफाइलमा उल्लेख छ ।
उनले युट्यूव च्यानलहरूलाई अन्तरवार्ता दिएर विभिन्न भविष्यवाणी गर्ने गरेका थिए । टेलिभिजनमा ‘ज्योतिष चक्र’ कार्यक्रम चलाउने खतिवडाले करिब दुई साता अगाडि साउन र भदौ महिना राम्रो नरहेको र विभिन्न अनिष्ट हुन सक्ने भविष्यवाणी गरेका थिए । त्यसलगत्तै उनले अर्काे भविष्यवाणी गर्दै उनले दिग्भ्रमित बनाएका थिए । यमराज मृत्युका राजा हुन् ।
सूर्यका छोरा यमराजले नै पृथ्वीमा मानिसको मृत्यु तय गर्ने धार्मिक मान्यता रही आएको छ । यमराजको कथा नेपालीहरुको दोस्रो ठूलो पर्व यमपन्चक अर्थात तिहारसँग जोडिएको छ। धर्मशास्त्र अनुशार यमराज यमलोकमा बस्थे भने यमुना पृथ्वीमा। त्यसैले यमुनाले निमन्त्रणा गरी यमराजलाई पृथ्वीमा भेट्न बोलाइन्। त्यो बेलामा यमपञ्चक परेको थियो। यमपञ्चकभर यमराज यमुना कहाँ बसेका थिए भन्ने मान्यता रहीआएको छ।
