२९ साउन, विराटनगर । एएफसी च्यालेन्ज लिगअन्तर्गत नेपाली टोली चर्च ब्वाइज युनाइटेड भुटानको पारो एफसीसँग पराजित भएको छ ।
मंगलबार साँझ त्रिपुरेश्वरस्थित दशरथ रंगशालामा भएको एएफसी च्यालेन्ज लिगको प्लेअफ खेलमा नेपालको लिग च्याम्पियन चर्च ब्वाइज युनाइटेड क्लब भुटानको पारो एफसीसँग २-१ गोलले पराजित भएको हो ।
खेलमा चर्च ब्वाइजलाई २-१ गोलले पराजित गर्दै पारो एफसी अघिल्लो चरणमा पुग्यो । निरन्तर झरीका कारण हिलाम्मे मैदानमा सुरुवाती अग्रता लिएपनि चर्च ब्वाइज स्तब्ध बन्यो ।
पहिलो हाफमा १–१ गोलको बराबरीमा सकिएको खेलमा पारोले दोस्रो हाफमा निर्णायक गोल गरेको थियो । जितसँगै पारो एफसी एएफसी च्यालेन्ज लिगमा छनोट भएको छ । खेलमा सुरुवाती अग्रता चर्च ब्वाइजले लियो ।
३८औँ मिनेटमा लाकेन लिम्बुले गोल गर्दै टोलीको उत्साह जगाएका थिए । तर, लगत्तै पारोका कर्मा क्षेत्रीमले गोल गर्दै खेललाई बराबरीमा ल्याए । त्यसपछि ६७औँ मिनेटमा विलियम ओपोकुले गोल गर्दै पारोलाई जिताए ।जापानका स्टार खेलाडी होन्डासहित ११ जना विदेशी खेलाडीको साथ पाएको पारोलाई हिले मैदानमा जित निकाल्न निकै हम्मे परेको थियो । यता नेपाली राष्ट्रिय टोलीका खेलाडीको साथ पाएको चर्च ब्वाइज दोस्रो हाफमा सम्हालिन नसक्दा हार खेप्न बाध्य बन्यो ।
जापानका स्टार खेलाडी होन्डासहित ११ जना विदेशी खेलाडीको साथ पाएको पारोलाई हिले मैदानमा खेल जित्न हम्मे हम्मे परेको थियो ।नेपाली राष्ट्रिय टोलीका खेलाडीसमेत समावेश रहेको चर्च ब्वाइज दोस्रो हाफमा सम्हालिन नसक्दा पराजित हुन पुग्यो ।
नेपालको चर्च ब्वाइज युनाइटेड क्लब शहीद स्मारक ए डिभिजन लिग विजेता हो भने पारो एएफसी भुटानको लिग विजेता हो ।
