३० साउन, विराटनगर । नेपाली बजारमा बुधबार सुनको मूल्यमा सामान्य गिरावट आएको छ । नेपाल सुनचाँदी व्यवसायी महासंघका अनुसार आज छापावाल सुनको मूल्य तोलाको एक लाख ५० हजार ५०० रुपैयाँ कायम भएको हो ।
नेपाली बजारमा मंगलबार तोलामा १ लाख ५० हजार ८०० रुपैयाँ कायम भएको थियो । मंगलबार कायम भएको सुनको मूल्य हालसम्मकै उच्च थियो ।
बुधबार भने सुनको मूल्य तोलामा तीन सय रुपैयाँले घटेको हो ।
यस्तै, बुधबार चाँदीको मूल्यमा पनि सामान्य गिरावट आएको छ । मंगलबार तोलामा १ हजार ७४० रुपैयाँ कायम भएको चाँदीको मूल्य बुधबार घटेर तोलामा १ हजार ७३५ रुपैयाँ कायम भएको हो ।
