३० साउन, विराटनगर । एउटा ज्वेलर्सबाट गहना चोरेर अर्को ज्वेलर्समा बिक्री गर्ने एक महिलालाई प्रहरीले पक्राउ गरेको छ ।
काठमाडौँ उपत्यका अपराध अनुसन्धान कार्यालयको टोलीले सुनको गहना किन्ने बहानामा चोरी गरेर फरार भएकी लिना नकर्मीलाई पक्राउ गरेको हो ।
गत साउन २५ गतेन्युरोडस्थित नारायण ज्वेलर्सबाट सुनका गहना खरिद गर्ने भनी दुई तोला २० लालको सिक्री लिएर उनी फरार भएकी थिइन् । खोजी गर्नेक्रममा प्रहरीले नकर्मीलाई ललितपुरको पुल्चोकबाट पक्राउ गरिएको जानकारी दिएको छ ।
अनुसन्धानको क्रममा नमर्कीले चोरी गरेका सुनका गरगहना न्युरोड स्थित जगन्नाथ ज्वेलर्समा बिक्री गर्ने खुलेको थियो । लगत्तै प्रहरीले जगन्नाथ ज्वेलर्सका सञ्चालक चित्र रञ्जन हजारालाई समेत पक्राउ गरेको छ ।
अनुसन्धान गर्दै जाँदा नकर्मीले यसअघि पनि चोरीका सुनका गरगहना जगन्नाथ ज्वेलर्सलाई बिक्री गरेको प्रारम्भिक अनुसन्धानबाट खुल्न आएको थियो । नकर्मीको साथबाट पुष्टि हुन नसकेको अन्दाजी दुई तोला बराबरको सुनको सिक्री समेत बरामद भएको छ ।
