३० साउन, विराटनगर ।
कास्की प्रहरीले सिआइडी हुँ भन्दै सर्वसाधारणलाई सास्ती दिने दुई युवालाई पक्राउ गरेको छ । पक्राउ पर्नेमा कास्कीको पोखरा महानगरपालिका–१७, छोरेपाटन बस्ने ३२ वर्ष सन्दीप श्रेष्ठ र पोखरा-७ बस्ने २६ वर्षीय सरोज थापा रहेका छन् ।
उनीहरूले पोखरा-२ बागलुङ बसपार्कस्थित सार्वजनिक स्थानमा सर्वसाधारणलाई शरीरको तलासी तथा चेकजाँच गर्ने, पैसा असुल गर्ने तथा कानुनी दायरामा ल्याउने भनी त्रास देखाउने गर्दै आएका थिए ।
चौतर्फी गुनासो आएपछि आइतबार उनीहरूलाई प्रहरीले पक्राउ गरेको थियो । तर, प्रारम्भिक सोधपुक्षका क्रममा उनीहरूले प्रहरीमाथि नै दुर्व्यवहार गर्ने गरेका थिए ।
उनीहरूमाथि सार्वजनिक, हित, स्वास्थ्य, सुरक्षा, सुविधा र नैतिकताविरुद्धको कसुरअन्तर्गत अभद्र व्यवहार मुद्दामा अनुसन्धान जारी रहेको प्रहरीले जनाएको छ ।
