१ भदौ, विराटनगर ।
स्पेनिस क्लब बार्सिलोना आइतबार बिहानबाट नयाँ सिजनको ला लिगाको थालनी गर्दै छ । नेपाली समयानुसार भोलि बिहान १ः१५ बजे बार्सिलोनाले भ्यालेन्सियासँग खेल्दै नयाँ सिजनको थालनी गर्न लागेको हो ।
भ्यालेन्सियाको मैदान मेस्टल्लामा हुने यस खेलमा दुवै टोली एकअर्कामाथि जित दर्ता गर्दै सुखद सुरुआत गर्न चाहन्छन् ।
बार्सिलोनाले गत सिज सुपर कोपाबाहेक अरू उपाधि जित्न सकेन । यसैले पनि यसपटक बार्सिलोना लिग उपाधि जित्ने योजनाका साथ अगाडि बढ्ने छ ।
२०२२–२३ को लिग उपाधि जितेको बार्सिलोनालाई यसपालि पुनः ला लिगाको उपाधि दिलाउने यात्रामा रोबर्ट लेवान्डोस्की, मेमिन यमललगायतको साथ रहने छ ।
त्यसबाहेक पेड्री, लाउटारो मार्टिनेज, राफिन्हा, इनाकी पेनालगायत खेलाडीलाई पनि बार्सिलोनाले मैदान उतार्ने छ ।
स्पेनिस ला लिगाको नयाँ सिजन सन् २०२५ को मे २५ तारिखसम्म चल्ने छ । स्पेनिस ला लिगाको यो ९४औँ संस्करण हो । स्पेनिस ला लिगा सन् १९२९ बाट सुरु भएको थियो ।
ला लिगामा दुई चीर प्रतिद्वन्द्वी क्लब हुन्, रियल मड्रिड र बार्सिलोना । हालसम्म ३६ र २७ पटक उपाधि जितेका क्रमशः रियल मड्रिड र बार्सिलोनाको अहिलेसम्म पनि दबदबा देखिन्छ ।
एथ्लेटिको मड्रिड, सेभिल्ला, एथ्लेटिक बिल्बाओ, रियल बेटिसलगायत टोली स्पेनिस ला लिगाका सशक्त क्लब हुन् ।
