४ भदौ ,विराटनगर।
रुस–यूक्रेन युद्धमा पछिल्लो पटक जेलेन्स्कीको सेनाले निकै दबाब बढाएको जस्तो देखिएको थियो । किनभने युक्रेनी आर्मीले रुसको ३५ किलोमीटर भन्दा पनि भित्रै पसेर विभिन्न गाउँ तथा शहर कब्जा गरेको थियो । त्यहाँ आफ्नो कार्यालय नै खोलेको थियो । तर अब रुसले युक्रेनको यो दुश्साहासलाई कडा जवाफ दिन थालेको छ ।
रुसी सैनिकहरु पछिल्लो पटक यूक्रेनको दोनेत्स्कस्थित उत्तर–पश्चिम क्षेत्रमा निकै अगाडि बढिरहेको छ । जसका कारण यूक्रेनले आफ्नो शहर पोकरोभस्कका नागरिकहरुलाई त्यहाँबाट बाहिर जान भनेको छ । जति जति रुसी सेना अगाडि बढिरहेको छ ती ठाउँहरुमा यस्तै दृश्य देखिन थालेको छ । युक्रेनले आफ्ना नागरिकहरुलाई ठाउँ छाड भन्न थालेको छ ।
यता यूक्रेनी राष्ट्रपति भोलोदिमीर जेलेंस्कीले रुसी भूमि कब्जा गरेको संदर्भमा आइतबार नै स्पष्ट पारेका थिए । उनले भनेका छन्, कुर्स्क जुन रुसी भूमि हो, त्यहाँ यूक्रेनी सेना प्रवेश गर्नुको पछाडी त्यो क्षेत्रलाई आफूहरुले बफर जोन बनाउनका लागि मात्रै कब्जा गरेको उनले बताएका छन् । ताकी मास्कोले आफ्नो देशमा जुन हमला जारी राखेको छ सो रोकियोस ।
त्यसैले युक्रेनी सैनिकहरुले रूसी सीमामा दोस्रो पुल पनि उडाइदिएका छन् । ताकी त्यो पुलबाट हुँदै आएको रुसी सैनिकहरुको सैन्य सरसामानको आपूर्ती रोकियोस् । यूक्रेनी सेनाले कुर्स्कमा लगभग २ सातादेखि कब्जा जमाई रहेको छ । एकपछि अर्को गर्दै रुसी इलाकाहरु कब्जा गरिरहेको छ । तर रुस पनि पछाडी भने सरेको छैन । उसले यूक्रेनको पूर्वी क्षेत्रमा आक्रमण गरेको छ ।
उसको सेना यूक्रेनको निकै भित्रसम्म प्रवेश गरेको छ । वास्तवमा कुर्स्कमा जस्तो प्रकारले युक्रेनले अट्याक गरेको छ, रुसले त्यसको कडा जवाफ त दिने नै थियो । सोही बमोजिम युक्रेनी शहरहरुमा रुस अगाडी बढ्दै जाँदा त्यहाँका मेयरहरुले आफ्ना नगरबसीहरुलाई शहर छाड्न भनेका छन् । यसअघि भने जेलेंस्कीले भनेका थिए, हाम्रो उद्येश्य रूसको युद्ध क्षमतालाई नष्ट गर्नु र अधिकतम जवाफी कारबाही गर्नु हो । यसमा कुर्स्क क्षेत्रमा हाम्रो अभियान पनि सामेल छ उनले भनेका थिए । तर रुसले कडा जवाफ फर्काउन थालेपछि युक्रेन थप संकटमा पर्ने देखिएको छ ।
युक्रेनसंगै उसको छिमेकी पोल्याण्डमाथि पनि रुस नामको संकट आउन सक्ने देखिएको छ । युक्रेनमाथि प्रहार गरेका आफ्ना क्षेप्यास्त्र पोल्यान्डले रोक्ने प्रयास गरेको रुसले आरोप लगाएको छ । यसका लागि उसले पोल्याण्डलाई पनि कडा चेतावनी दिएको छ । युक्रेनमाथि प्रहार भएका रुसी क्षेप्यास्त्र रोक्ने प्रयास गरेमा पोल्यान्डमाथि निर्णायक प्रतिक्रिया दिने रुसले चेतावनी दिएको चिनियाँ समाचार संस्था सिन्ह्वाले जनाएको छ ।
रुसको विदेश मन्त्रालयको युरोपेली विभागका निर्देशक ओलेग ट्यापकिनले युक्रेनमा रुसका लामो दूरीको हतियार रोक्न पोल्यान्डले गरेको कुनै पनि प्रयासलाई पर्याप्त प्रतिक्रिया प्राप्त हुने भन्दै चेतावनी दिएका छन् । ट्यापकिनले युक्रेनको पक्षमा पश्चिमी देशहरूको प्रत्यक्ष संलग्नता बढ्दै गएको भन्दै यसले गम्भीर परिणाम निम्ताउने पनि बताएका छन् । उनले यस विषयमा कुनै पनि पक्षसँग वार्ता नभएको स्पष्ट पार्दै रुसको धारणा पोल्यान्ड र उत्तर एटलान्टिक सन्धि सङ्गठन नेटो दुवैलाई थाहा भएको पनि जनाएका छन्
पोल्यान्डका विदेशमन्त्रीले यसअघि एउटा अन्तरवार्तामा युक्रेनमा रुसले हानेका क्षेप्यास्त्र खसाल्ने सम्भावनालाई विचार गरिरहेको बताएपछि रुस आक्रोशित भएको हो । रुस–युक्रेन र पोल्याण्डबीच यो तनावको स्थिति देखिएकै बेला यता भारतका प्रधानमन्त्री नरेन्द्र मोदी यसै साता युक्रेन र पोल्यान्डको औपचारिक भ्रमणमा जाँदै छन् । भारतको विदेश मन्त्रालयले पत्रकार सम्मेलन गरी सो जानकारी दिएको हो ।
विदेश मन्त्रालयका सचिव तन्मय लालले भने– प्रधानमन्त्री नरेन्द्र मोदीले युक्रेनका राष्ट्रपति भोलोदिमिर जेलेन्स्कीको निमन्त्रणामा शुक्रबार अगस्ट २३ मा युक्रेनको औपचारिक भ्रमण गर्नेछन् । यो भ्रमण महत्त्वपूर्ण र ऐतिहासिक भएको उनको भनाइ छ । उनले थपे– किनभने हाम्रो कूटनीतिक सम्बन्ध स्थापना भएको ३० वर्षभन्दा लामो समयपछि कुनै भारतीय प्रधानमन्त्रीले पहिलोपटक युक्रेनको भ्रमण गर्दै छन् ।
तन्मय लालका अनुसार यो भ्रमण नेताहरूबीच भर्खरै भएको उच्चस्तरीय वार्तामा आधारित हुनेछ । रुस–युक्रेन द्वन्द्वबारे उनले भने– भारतले एकदमै स्पष्ट र निरन्तर अडान राखेको छ । यो द्वन्द्व कुटनीति र संवादबाट समाधान गर्न सकिन्छ । यसले दिगो शान्ति ल्याउन सक्छ, त्यसैले वार्ता अत्यन्तै महत्त्वपूर्ण छ । दुवै पक्षलाई मान्य हुने विकल्पबाट मात्रै दिगो शान्ति हासिल गर्न सकिने र वार्ताबाट मात्रै समाधान निस्कने उनको भनाइ छ ।
उनले थपे– तपाईंलाई थाहै छ, प्रधानमन्त्री मोदीले रुस र युक्रेन दुवै पक्षका नेताहरूसँग कुरा गर्नुभएको छ र प्रधानमन्त्रीले हालै रुसको भ्रमण पनि गर्नुभएको छ । मोदीले युक्रेनअघि अगस्ट २१ देखि २३ सम्म पोल्याण्डको भ्रमण गर्नेछन् । भारतबाट ४५ वर्षपछि पोल्याण्ड जान लागेका उनी पहिलो प्रधानमन्त्री हुन् ।
रुस–युक्रेनबीचको जारी युद्ध र पोल्याण्डमा पनि यसको बाछिटा पर्न थालेका बेला नरेन्द्र मोदीको यो भ्रमणबारे तपाइँका टिप्पणी अवस्य व्यक्त गर्नुहोला । ताजा खबरका लागि नेपाल टाइम्स्को अनलाइन पोर्टल डब्लु डब्लु डब्लु डट नेपाल टाइम्स् डट नेटमा गएर हेर्न सक्नु हुनेछ । यसैगरि हाम्रो युट्युव च्यानल र फेसबुक पेज पनि अवस्य भिजिट गर्नुहोला । तपाईले गर्नु भएको लाइक, कमेन्ट, सेयर र सब्क्राइबका लागि धेरै धन्यवाद । नेपाल टाइम्स् हेर्दै गर्नुहोला नमस्कार ।
