५ भदौ, विराटनगर ।
नेपाली बजारमा बुधबार (आज) सुनको मूल्य हालसम्मकै उच्च विन्दुमा पुगेको छ । नेपाल सुनचाँदी व्यवसायी महासंघका अनुसार आज सुनको मूल्यले नयाँ कीर्तिमानी रचेको हो ।
महासंघका मंगलबार प्रतितोला तीन सय रुपैयाँले घटेर सुन प्रतितोला एक लाख ५२ हजार २०० रुपैयाँमा कारोबार भएको थियो । तर, बुधबार भने छापावाला सुनको मूल्य आठ सय रुपैयाँले बढेको हो ।
आज सुन प्रतितोला १ लाख ५३ हजार रुपैयाँमा कारोबार भइरहेको छ ।
यसअघि गत भदौ २ गते सुनको मूल्य हालसम्मकै उच्च कायम भएको थियो । त्यसदिन छापावाला सुनको मूल्य ३ हजार रुपैयाँले बढ्दै प्रतितोला १ लाख ५२ हजार ६ सय रुपैयाँ कायम भएको थियो ।
यस्तै, चाँदीको मूल्य पनि बढेको महासंघले जनाएको छ । महासंघका अनुसार चाँदीको मूल्य १५ रुपैयाँले बढेर प्रतितोला १ हजार ८३५ रुपैयाँमा कारोबार भइरहेको छ ।
