५ भदौ ,एजेन्सी ।
मैदानमा क्रिस्टियानो रोनाल्डोको छायाँले ओझेलमा परेको लगायतका गुनासासहित साडियो मानेले अल नासर छाड्ने चर्चा चलिरहँदा रोनाल्डोले भने आफू पुरानै लक्ष्यका साथ नयाँ सिजनका लागि उत्सुक रहेको जनाएका छन् । रोनाल्डो सन् २०२२ को डिसेम्बरमा अल–नासरमा अनुबन्धित भएका थिए ।
यद्यपि, उनले क्लबबाट घरेलु ट्रफी जित्न सकेका छैनन् । तर यसै साता सामाजिक सञ्जालमा उनले लेखेका छन्, ‘नयाँ सिजन, लक्ष्य उही।’ रियादका प्रतिद्वन्द्वी अल–हिलालको दबदबा अन्त्य गर्ने मुख्य उद्देश्यका साथ क्रिस्टियानो रोनाल्डो साउदी प्रो–लिगको अर्को सिजन खेल्न तयार छन् ।
अल हिलालले गत सिजन ३१ खेलमा जित र तीनमा बराबरी खेल्दै उपाधि जितेका थिए । दोस्रो स्थानको अल–नासर १४ अंकले पछि परेको थियो । हिलालले गत साता साउदी सुपर कपको फाइनलमा रोनाल्डोको टोलीलाई ४–१ ले हराएका थिए । १८ टिम सम्मिलित लिग बिहीबारदेखि सुरु हुँदैछ
भोलि Al–Taawoun र Al–Fayha, Al Wehda र Al–Riyadh र Al–Nassr र Al Raed खेल्दै छन् । गत वर्ष चेल्सीबाट अनुबन्धित अल–हिलालका डिफेन्डर कालिडोउ कोउलिबेलीले एसोसिएटेड प्रेससँग भने, ‘गत वर्ष यो कठिन प्रतियोगिता थियो । तर, हामी शीर्ष स्थानमा आउन सफल भयौं।
यस वर्ष सबै टोली अल–हिलाललाई हराउने लक्ष्यमा हुनेछन्।’ गत ग्रीष्मऋतुमा युरोपका शीर्ष लिगहरूबाट ठूला नाम चलेका स्टारहरू साउदी अरबयामा रोनाल्डोसँग खेल्न आएका थिए । डेलोइटको स्पोर्ट्स बिजनेस ग्रुपका अनुसार कुल ९५ करोड ७० लाख डलर खर्च भएको थियो ।
यो समरमा तुलनात्मक रूपमा कम खेलाडी साउदी पुगेका छन् । यद्यपि, स्थानान्तरण विन्डो सेप्टेम्बर २ सम्म खुला रहन्छ । अल–हिलालका लागि नेयमारको पुनरागमन नयाँ अनुबन्धजस्तै हुनेछ । गत अक्टोबरमा विश्वकप छनोट खेल्ने क्रममा बायाँ घुँडामा गम्भीर चोट लाग्नुअघि रियाद क्लबका लागि उनले पाँच खेल मात्र खेलेका थिए ।
‘नेयमारको पुनरागमन हाम्रा खेलाडीले निकै अपेक्षा गरेका छन्,’ कोउलिबेलीले भने ‘उनको चोटका कारण अझै केही समय पर्खनु छ । उनलाई प्रशिक्षणमा देख्दा थप प्रेरणा मिल्छ।’ स्थानीय सञ्चारमाध्यमका अनुसार नेयमार गत महिना प्रशिक्षणमा फर्किएका थिए र सेप्टेम्बरमा फेरि खेल्न सुरु गर्न सक्नेछन् ।
नेयमारको अनुपस्थितिमा सर्बियाका स्ट्राइकर अलेक्जेन्डर मित्रोभिचले गत सिजन लिगमा २८ गोल गरेका थिए । पोर्चुगलका रुबेन नेभेस र मोरक्कोका यासिन बोउनोउले पनि गोल गरेका छन् । कोलम्बियाली खेलाडी डेभिड ओस्पिनाको स्थानमा ब्राजिलका गोलकिपर बेन्टोले अल–नासरको गोल पोस्ट सम्हाल्नेछन् ।
रोनाल्डोसँगै सेनेगलका स्टार साडियो माने यद्यपी अब भने उनले क्लब छाड्ने चर्चा छ । यस्तै क्रोएसियाका मिडफिल्डर मार्सेलो ब्रोजोभिक र डिफेन्डर आइमेरिक लापोर्टेले उत्कृष्ट प्रदर्शन गरिरहका छन् ।
क्लब अल–अहली र करिम बेन्जेमाको अल–इत्तिहादले यी दुई क्लबलाई चुनौती दिने अपेक्षा गरिएको छ, जसले यस समरमा अहिलेसम्मको सबैभन्दा ठूलो खर्च गरेको छ । फ्रान्सेली विंगर मौसा डियाबीको लागि एस्टन भिल्लालाई ६० मिलियनभन्दा बढी भुक्तान गरेको छ ।
सन् २०२३ मा साउदी अरबको पब्लिक इन्भेस्टमेन्ट फण्डले जिम्मा लिएका यी चारवटै क्लब देशकै उत्कृष्ट टोली हुन् ।
