६ भदौ , एजेन्सी ।
विश्वकै धनाढ्य सूचीमा लामो समयदेखि शीर्ष वरियताकै वरिपरि घुमिरहेका एलन मस्कको स्टार्टअप न्यूरालिंकले मानिसको मस्तिष्कमा चिप लगाउने दोस्रो परीक्षण पनि सफल भएको दाबी गरेको छ । कंपनीले दोस्रो परीक्षणमा विरामीलाई समस्या नभएको पनि दाबी गरेको छ। यसअघि पहिलो परीक्षणमा जो मानिसमा ब्रेनचिप लगाइएको थियो, उनमा थ्रेड रिट्रयाक्शनको समस्या देखिएको थियो ।
न्यूरालिंक प्यारालाइजका विरामी या जसको डाढको हड्डीमा चोट छ उसका लागि मस्तिष्कमा चिप बनाउने काम गर्छ । योे वायरलेस चिप हो, जसको मददले शारीरिक रूपबाट अक्षम विरामीहरुका लागि सामान्य रूपले काम गर्न मदद मिल्छ । पहिलो परीक्षणको क्रममा न्यूरालिंकले जनवरीमा जो विरामीलाई मस्तिष्कमा चिप लगाएको थियो, केही समयपछि उनलाई थ्रेड रिट्रयाक्शनको समस्या भएको थियो ।
उनको नाम नोल्याण्ड अरबगको हो । सर्जरीपछि अरबगको दिमागमा रहेको कयौं सानासाना तंतुहरुमा खुम्चिने समस्या देखिएको थियो । जसले मस्तिष्कको सिग्नल जाँच्ने इलेक्ट्रोड्सको संख्यामा गिरावट देखिएको थियो । मिडिया रिपोर्ट्सका अनुसार, थ्रेड रिट्रयाक्शनको समस्या जनावरहरुमा परीक्षणको क्रममा पनि देखिएको थियो ।
अहिले भने कंम्पनीले दाबी गरेको छ कि दोस्रो परीक्षणमा यो समस्या छैन । मिडिया रिपोर्ट्सका अनुसार, पहिलो चोटी न्यूरालिंकको डिजिटल चिप लगाईएका विरामी अहिले भिडियो गेम्स खेल्न, इंटरनेट चलाउन, सोशल मीडियामा पोस्ट गर्न आदि काम गर्न सक्षम भएका छन् । गएको महिनामात्रै दोस्रो विरामीमा चिपको परीक्षण गरिएको हो ।
न्यूरालिंक एक ब्रेन–चिप स्टार्टअप हो, जसको स्थापना एलन मस्कले सन २०१६ मा गरेका थिए । यो स्टार्टअप अन्तर्गत सर्जरीको सहयोगले मानिसको मस्तिष्कमा एक सिक्का आकारको उपकरण (चिप) प्रत्यारोपित गरिन्छ । जसको निकै पातलो तारले मस्तिष्कमा गएर मस्तिष्क–कम्प्यूटर इंटरफेस (बी.सी.आई.) विकसित गर्छ । यसले डिस्क मस्तिष्कको गतिविधिलाई पंजीकृत गर्छ र त्यसलाई एक सामान्य ब्लूटूथ कनेक्शनको माध्यमले स्मार्टफोन जस्ता डिभाइसमा पठाउँछ ।
