७ भदौ, विराटनगर ।
नेपाली सेनामा रिक्त अधिकृत पद (सहायक सेनानी र उपसेनानी) का लागि आवेदन आह्वान गरेको छ । खुल्ला तथा समावेशी प्रतियोगिताद्वारा पदपूर्ति गर्नका लागि सेनाले रिक्त रहेका २८० पदका लागि आवेदन आह्वान गरेको हो ।
सेनाको भर्ना छनाेट निर्देशनालयले शुक्रबार एक सूचना जारी गर्दै योग्यता पुगेका नेपाली नागरिकले नेपाली सेनाको आधिकारिक वेबसाइटबाट अनलाइन दरखास्त फाराम भर्न सक्ने जनाएको छ ।
फारम भरी सो को प्रिन्ट सहित स्वयम् उपस्थित भई तोकिएको भर्ना केन्द्रमा दरखास्त पेस गर्न आह्वान गरिएको छ । आगामी असोज ६ गतेसम्म दरखास्त दिन सकिने र दोब्बर दस्तुर तिरेर थप ७ दिनसम्म आवेदन दिन सकिने सूचनामा उल्लेख छ ।
