१४ भदौ, विराटनगर ।
युरोपेली फुटबल महासंघ (युईएफए) ले पोर्चुगिज स्ट्राइकर क्रिस्टियानो रोनाल्डोलाई विशेष अवार्ड प्रदान गरेको छ ।
बिहीबार राति फ्रान्सको मोनाकोमा आयोजित भब्य कार्यक्रमका बीच युइएफएले च्याम्पियन्स लिगको इतिहासमा सबैभन्दा बढी गोल गरेका ३९ वर्षीय रोनाल्डोलाई विशेष अवार्ड प्रदान गरेको हो ।
च्याम्पियन्स लिगको समूह चरणको ड्र सार्वजनिक भएको कार्यक्रममा सम्मानित भएपछि रोनाल्डोले युइएफएप्रति कृतज्ञता व्यक्त गरेका छन् ।
हाल साउदी अरबको अल नासरबाट व्यवसायिक फुटबल खेलिरहेका रोनाल्डोले पाँच पटक च्याम्पियन्स लिगको उपाधि जितेका छन् ।
च्याम्पियन्स लिगका इतिहासकै सर्वाधिक गोलकर्ता र सर्वाधिक असिस्टकर्ता खेलाडीसमेत रहेका उनी यस प्रतियोगिताका सर्वकालीन् महान खेलाडी हुन् ।
पाँच पटकका बालोन डी’ओर विजेता रोनाल्डोले च्याम्पियन्स लिगमा १८३ खेल खेल्दा कुल १४० गोल र ४२ असिस्ट गरेका छन् । रोनाल्डोले सन् २००६-०७ को सिजनमा इंग्लिस क्लब म्यानचेस्टर सिटीबाट च्याम्पियन्स लिगको उपाधि जितेका थिए ।
त्यसपछि स्पेनिस क्लब रियल मड्रिड पुगेका रोनाल्डोले सन् २०१४, २०१६, २०१७, २०१८ मा च्याम्पियन्स लिग जितेका थिए ।
