१६ भदौ, विराटनगर ।
जर्मन बुन्डेसलिगामा साविक विजेता लिभरकुजेनले १५ महिनापछि पहिलोपटक हार खेपेको छ । शनिबार राति घरेलु मैदानमा भएको खेलमा आरबी लाइपजिगसँग ३-२ गोलान्तरले पराजित भएको हो ।
अघिल्लो सिजन लिभरकुजेनले एउटा पनि हार नखेपी बुन्डेसलिगाको उपाधि जितको थियो । उसले ३४ खेलमध्ये २८ खेलमा जित र ६ खेलमा बराबरी खेल्दै ९० अंकका साथ लिग उपाधि उचालेको थियो ।
त्यसघि लेभरकुजेन मे २०२३ पछि पहिलोपल्ट जर्मन प्रतिद्वन्द्वीसँग २–३ ले पराजित भएको थियो । तर, त्यसयता एउटा पनि हार नबेहोरेको उसले नयाँ सिजनको पहिलो खेलमा पनि जित निकालेको थियो । गए राति भएको खेलमा भने लिभरकुजेन पराजित हुन पुग्यो ।
लिभरकुजेनले खेलको ३८औं र ४५औं मिनेटमा दुई गोल गरी २-० को अग्रता बनाएको थियो । पहिलो हाफको इन्ज्युरी समयमा गोल गर्दै खेलमा फर्कने प्रयास गरेको लाइपजिगले ५७औं र ८०औं मिनेटमा गोल गर्दै जित निकाल्यो ।
