१६ भदौ , एजेन्सी ।
युक्रेनसँग युद्ध लडिरहेको रुसको सुदूरपूर्वको कामचट्का प्रायद्वीपमा २२ जना सवार हेलिकोप्टर बेपत्ता भएको छ । हेलिकोप्टरमा १९ जना यात्रु र तीन चालक दलका सदस्य गरी २२ जना सवार रहेका छन् ।रुस हेलि बेपत्ता हुँदा छिमेकी राष्ट्र भारतमा भने यात्रु लिएर उडेको इन्डिगोको विमान ठूलो दुर्घटना हुन्बाट जोगिएको छ ।
रुसको सुदूरपूर्वको कामचट्का प्रायद्वीपमा २२ जना सवार हेलिकोप्टर बेपत्ता भएको छ । कामचट्काका गभर्नर भ्लादिमिर सोलोडोभले टेलिग्राममा पोस्ट गरेको भिडियोमा भनिएको छ, “ग्रीनवीच समयानुसार शनिबार बिहान करिब ४ः१५ मा एमआई–८ हेलिकोप्टरसँगको सम्पर्कविच्छेद भएको छ ।
हेलिकोप्टरमा १९ जना यात्रु र तीन चालक दलका सदस्य गरी २२ जना सवार थिए ।” सुदूर पूर्वको कामचटका क्षेत्रमा रहेको भाचकाजेक ज्वालामुखी नजिकै उडिरहेको हेलिकप्टर बेपत्ता भएको हो ।
त्यहाँको राज्य समाचार एजेन्सीले विट्याज–एरो एयरलाइन्सद्वारा सञ्चालित एमआई–८टी हेलिकप्टर बिहान उडान भर्दा सम्पर्कविहीन भएको जनाएको छ। आपतकालीन सेवाका अनुसार एमआई–८टी हेलिकप्टर उडान भरेको केही समयमै राडारबाट गायब भएको थियो ।
रुसी अधिकारीका अनुसार, अरू हेलिकोप्टरमा पठाइएका उद्धार टोलीहरूले हराइरहेको हेलिकोप्टरको खोजी गरिरहेका छन् । एमआई–८ सोभियतकालीन डिजाइनको सैन्य हेलिकोप्टर हो । रुसमा यातायातका निम्ति त्यो व्यापक रूपमा प्रयोग गरिन्छ ।
आपत्कालीन सेवाका एक स्रोतले तास समाचार संस्थालाई बताएअनुसार, हेलिकोप्टर उडेको केही समयपछि राडारबाट गायब भएको थियो । चालक दलका सदस्यलाई कुनै समस्या भएको थिएन । मौसमसम्बन्धी सेवा प्रदान गर्ने स्थानीय एक कार्यालयले विमानस्थलको क्षेत्रमा ‘भिजिबिलिटी’ कम रहेको जनाएको छ ।
प्रायः उडानका निम्ति प्रतिकूल मौसम रहने रुसको सुदूरपूर्वी क्षेत्रमा विमान र हेलिकोप्टर दुर्घटना धेरै हुन्छन् । यहाँ पातलो बस्ती र कम जनसंख्या छ । सन् २०२१ अगस्टमा १३ पर्यटकसहित १६ जना सवार एमआई–८ हेलिकोप्टर भिजिबिलिटी कम भएका कारण कामचट्काको तालमा खस्दा आठको मृत्यु भएको थियो ।
सोही वर्षको जुलाईमा प्रायद्वीपमा अवतरणका निम्ति आएको एउटा विमान दुर्घटनाग्रस्त भएको थियो । त्यसमा २२ यात्रु र ६ चालक दलका सदस्य थिए । यता भा ारतमा यात्रु लिएर उडेको इन्डिगोको विमान ठूलो दुर्घटना हुन्बाट जोगिएको छ ।
शुक्रबार राति भारतको कोलकाता विमानस्थलबाट बैंगलोरका लागि उडेको इन्डिगोको विमान ठूलो दुर्घटनाबाट बचेको हो । भारतीय सञ्चारमाध्यमका अनुसार इन्डिगोको फ्लाइट ६ई०५७३ विमान उडेको केही मिनेटमै बायाँ इन्जिन फेल भएको हो ।
तर त्यसलाई सुरक्षित रूपमा आपत्कालीन अवतरण गराइयो । अधिकारीहरूका अनुसार कोलकातास्थित नेताजी सुभाष चन्द्र बोस अन्तर्राष्ट्रिय विमानस्थल ९एनएससीबीआई० बाट उक्त विमान शुक्रबार राति १०ः३६ मा उडेको थियो ।
तर आपत्कालीन अवस्थाका कारण राति १०ः५३ बजे फेरि कोलकाता नै फर्काउनप¥यो । भारतीय एयरपोर्ट्स अथोरिटी ९एएआई० का प्रवक्ताका अनुसार घटनाका बेला कुनै आगो वा स्पार्क देखिएन, जसले गर्दा ठूलो दुर्घटना हुनबाट जोगियो ।
विमानलाई सुरक्षित रूपमा अवतरण गराइयो र सबै यात्रुलाई सकुशल बाहिर निकालियो । यस विषयमा गहिरो अनुसन्धान भइरहेको र इन्जिन बिग्रनुको कारण पत्ता लगाउने काम भइरहेको अधिकारीहरूले बताएका छन् ।
