१९ भदौ, विराटनगर ।
आगामी कात्तिक महिनामा नेपालमा आयोजना हुने महिला साफ च्याम्पियनसिपको खेल तालिका सार्वजानिक भएको छ । बुधबार दक्षिण एसियाली फुटबल महासंघ (साफ)ले सार्वजनिक गरेको खेल तालिकाअनुसार नेपालले पहिलो प्रतिद्वन्दी भुटान पाएको छ ।
घरेलु मैदानमा आयोजना हुने महिला साफ च्याम्पियनसिपको पहिलो खेलमा नेपालले भुटानसँग २ कात्तिकमा भुटानसँग खेल्ने छ । नेपाल र भुटानबीचको खेल त्रिपुरेश्वरस्थित दशरथ रंगशालमा ५:३० बजे सुरु हुनेछ ।
नेपाल र भुटान रहेको समूह ‘बी’ श्रीलंका र माल्दिभ्स पनि छन् । उक्त समूहमा भुटानसँगै माल्दिभ्स र श्रीलंका रहेका छन् । समूह ‘ए’ मा भने साविक विजेता बंगलादेशसहित भारत र पाकिस्तान छन् ।
साबिकको उपविजेतासमेत रहेको नेपालले दोस्रो खेल कात्तिक ५ गते माल्दिभ्ससँग खेल्ने छ भने समूहचरणको अन्तिम खेल कात्तिक ८ गते श्रीलंकासँग खेल्नेछ । हरेक समूहमा रहेका चार टोली सेमिफाइनल प्रवेश गर्नेछन् । फाइनल खेल कात्तिक १४ गते हुने छ ।
साफमा भारत सर्वाधिक धेरै पाँच पटकको विजेता टोली हो ।
