२२ भदौ, विराटनगर ।
चौथो संस्करणको युरोपियन नेसन्स लिगमा नर्वेले कजाकिस्तानसँग बराबरी खेल्दै अंक बाँडेको छ । शुक्रबार राति भएको समूह चरणको पहिलो खेलमा नर्वेले कजाकिस्तानसँग गोलरहित बराबरी खेल्दै अंक बाँडेको हो ।
घरेलु मैदान ओर्टालिक स्टेडियममा भएको खेलमा कजाकिस्ताले नर्वेका स्टार खेलाडी एर्लिङ हालान्डलाई रोक्न गरेको संघर्ष सफल भएको छ ।
काजकिस्तानका डिफेन्डर ९० मिनेटसम्म हालान्डको वरिपरि झुम्मिएका थिए । नयाँ सिजनको प्रिमियर लिगमा लगातार ह्याट्रिक गरेका स्ट्राइकर हालान्ड गोलविहीन बनेका हुन् ।
