२२ भदौ, काठमाडौं ।
नेकपा एमालेका नेता गोकुल बाँस्कोटाले नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ प्रति कटाक्ष गरेका छन् । शनिबार सामाजिक सञ्जाल ‘एक्स’मा लेख्दै उनले स्विट्जरल्यान्ड बनाउँछु भन्ने प्रचण्डले बंगलादेश बनाउँछु भनेर तर्साएको आरोप लगाए ।
उनले लेखेका छन्, ‘प्रचण्ड बंगलादेश बनाउँछु भनेर तर्साउँदै छन्, पहिला स्विट्जरल्यान्ड बनाउँछु भन्थे ।’
यस्तै उनले सत्ता बर्बराहट गर्दै हिँडेको बताएका छन् । ‘तासेलाई तासै चपाउन, जाँडेलाई थाममा बाँधेर भाटा र महिला हिंसा गर्नेलाई कोरा हान्थे । आज ती क्रान्तिकारी उनैसँग छैनन् र कयौं त आफैं जाँडे, जुवाडे र महिला हिंसाका नमुना बनिसके । फगत सत्ता गएको बर्बराहट हो, उनको कर्कस,’ उनले लेखेका छन् ।
