२३ भदौ, विराटनगर ।
चौथौ संस्करणको युरोपियन नेसन्स लिगअन्तर्गत इंग्ल्यान्डले सुखद सुरुआत गरेको छ । शनिबार राति भएको समूह चरणको खेलमा इंग्ल्यान्डले आयरल्यान्डलाई उसैको मैदानमा २–० गोलले पराजित गरेको हो ।
आयरल्यान्डको डब्लिनमा भएको खेलमा पाहुना टोलीलाई जिताउन डेक्लेन राइस र ज्याक ग्रेलिसले समान एक गोल गरे ।
राइसले ११औं मिनेटमै इङ्ल्यान्डलाई सुरुआती अग्रता दिलाएका थिए । २६औं मिनेटमा उनैको पासमा ग्रेलिसले गोल गर्दै इङ्ल्यान्डलाई सहज जित दिलाए ।
युरो कप २०२४ मा फाइनलमा स्पेनसँग पराजित भएपछि प्रशिक्षक गेराथ साउथगेटले टोली छाडेका थिए । त्यसयता इङ्ल्यान्डले खेलेको यो नै पहिलो खेल हो ।
