२३ भदौ, विराटनगर ।
स्थानीय बजारमा पहेँलो धातु सुनको मूल्य आज तोलामा एक हजार दुई सय रुपैयाँले ओरालो लागेको छ । शुक्रबार तिजको दिन रेकर्ड बनाएको सुनको भाउ तिजको पर्सिपल्ट आइतबार भने घटेको हो ।
शुक्रबार तोलामा एक लाख ५३ हजार रुपैयाँमा कारोबार भएको छापावाला सुन आजका लागि भने एक लाख ५२ हजार एक सय निर्धारण भएको नेपाल सुनचाँदी व्यवसायी महासंघले जनाएको छ ।
यस्तै, चाँदीको मूल्य तोलामा ४५ रुपैयाँले घटेको छ । शुक्रबार प्रतितोला रु. एक हजार सात सय ९५ मा कारोबार भएको चाँदी आजका लागि भने रु. एक हजार सात सय ५० निर्धारण भएको छ ।
