२६ भदौ, विराटनगर ।
चौथौ संस्करणको युरोपियन नेसन्स लिग जर्मनी र नेदरल्यान्ड्सले बराबरी खेल्दै अंक बाँडेका छन् । मंगलबार राति भएको दोस्रो चरणको खेलमा जर्मनी र नेदरल्यान्ड्सले २-२ गोलको बारबरी खेल्दै अंक बाँडेका हुन् ।
नेदरल्यान्ड्सको जोहन क्रुफ एरिनामा घरेलु टोलीका टिजनी रेइन्डर्स र डेन्जल डम्फ्राइजले एक-एक गोल गरे । जर्मनीका लागि भने डेनिज उन्डभ र जोसुआ किमिचले एक-एक गोल गरे ।
रेइन्डर्सले खेलको दोस्रो मिनेटमै गोल गर्दै डच टोलीलाई अग्रता दिलाएका थिए । तर, पहिलो हाफमै जर्मनीले गोल फर्कायो । ३८औं मिनेटमा जर्मनीका लागि डेनिज उन्डभले बराबरी गोल फर्काए .
उन्डभकै पासमा पहिलो हाफको इन्जुरी टाइममा कप्तान जोसुअ किम्मिचले गोल गर्दै जर्मनीलाई अग्रता दिलाए । तर, जर्मनीले पनि अग्रता जोगाउन सकेन । ५०औं मिनेटमा नेदरल्याण्ड्सका डेन्जल डम्फ्रिसले गोल गर्दै खेल २-२ को बराबरीमा पुर्याए ।त्यसपछि दुवैतर्फबाट थप गोल नहुँदा अंक बाँडेको हो ।
यससँगै जर्मनीले दुई खेलमा चार अंक जोडेको छ । उसले पहिलो खेलमा हंगेरीमाथि ५-० गोलको फराकिलो जित निकालेको थियो ।नेदरल्यान्ड्ससँग पनि चार अंक नै छ । उसले पहिलो खेलमा बोस्निया एन्ड हर्ज गोभिनालाई ५-२ गोलान्तरले हराएको थियो ।
यसै समूहको अर्को खेलमा हंगेरी र बोस्निया एण्ड हर्जगोभिनाले गोलरहित बराबरी खेलेका छन् ।
