२६ भदौ, विराटनगर ।
कप्तान ह्यारी केनले सयौं खेल पूरा गर्दा इंग्ल्यान्डले फिनल्यान्डमाथि सहज जित निकालेको छ । चौथौ संस्करणको युइएफए नेसन्स लिगअन्तर्गत दोस्रो चरणको खेलमा इंग्ल्यान्डले फिनल्यान्डलाई २-० गोलले हराएको हो ।
वेम्बली स्टेडियममा भएको खेलमा इंग्ल्यान्डलाई जिताउन केनले दुई गोल गरे । पहिलो हाफ गोलरहित बराबरीमा सकिएको खेलको ५७औं र ७६औं मिनेटमा गोल गर्दै घरेलु टोलीलाई जित दिलाएका हुन् ।
इंग्ल्यान्डका कप्तान केनले आफ्नो सय खेल पनि पूरा गरका छन् । यससँगै ३१ वर्षीय केनका इंग्ल्याण्डको राष्ट्रिय टोलीबाट एक सय खेल खेल्ने केन १० औं खेलाडी बने ।
सन् २०१५ मा राष्ट्रिय टोलीमा ‘डेब्यू’ गरेका केन इंग्ल्यान्डका लागि सर्वाधिक गोल गर्ने खेलाडी पनि हुन् ।
इंल्यान्डको यो लगातार दोस्रो जित हो । अंक तालिकामा दोस्रो स्थानमा रहेको इङ्ल्यान्डले यसअघि आयरल्यान्डलाई यही नतिजाले पराजित गरेको थियो ।
नेसन्स लिगको दोस्रो चरणमा खेलिरहेको इङ्ल्यान्डले समूहको शीर्ष स्थानमा रहेको ग्रीससँग ६ अंकको बराबरी गरेको छ ।
