२९ भदौ, विराटनगर ।
नयाँ सिजनको साउदी प्रो-लिगअन्तर्गत अल नासरले अल अहलीसँग बराबरी खेल्दै अंक बाँडेको छ । शुक्रबार राति भएको खेलमा अल नासरले घरेलु मैदानमा अल अहलीसँग १-१ गोलको बराबरी खेल्दै अंक बाँडेको हो ।
अल अवाक पार्कमा पहिलो हाफ गोलरहित बराबरीमा सकिएको थियो । तर, अल अहलीका लागि खेलको ५४औं मिनेटमा फ्र्यांक किस्सेले गोल गर्दै पाहुना टोलीलाई सुरुआती अग्रता दिलाएका थिए ।
तर, नासर अल अहलीका बासम मोहमद अल्हुरायजीको आत्मघाती गोलले हारबाट जोगिएको हो । उनले ९० मिनेटपछिको इन्जुरी समयमा आत्मघाती गोल गरेपछि अल नासर हारबाट जोगियो ।
यो खेलमा भने पोर्चुगिज स्टार क्रिस्टियानो रोनाल्डो गोल गर्नबाट चुके । यसअघिका दुवै खेलमा रोनाल्डोले एक-एक गोल गरेका थिए ।यता नासरले यस सिजनमा दोस्रो बराबरी खेलेको हो । तीनमध्ये एक खेलमा जित र दुई खेलमा बराबरी खेलेको नासरले पाँच अंक जोडेको छ । अहलीको भने तीन खेलमा चार अंक छ ।
