३० भदौ, काठमाडौं ।
नेपाली बजारमा आइतबार सुनको मूल्य अहिलेसम्मकै उच्च भएको छ । आज सुन प्रतितोला ५०० रुपैयाँले बढेर कारोबार भइरहेको नेपाल सुनचाँदी व्यवसायी महासंघले जानकारी दिएको छ ।
महासंघका अनुसार छापावाल सुन तोलाको एक लाख ५६ हजार आठ सय रुपैयाँ कायम भएर अहिलेसम्मकै उच्च बनेको हो ।
यसअघि गत भदौ २८ गते सुनको मूल्य हालसम्मकै उच्च कायम भएको थियो । त्यसदिन छापावाला सुनको मूल्य प्रतितोला १ लाख ५६ हजार ३ सय रुपैयाँ कायम भएको थियो ।
त्यस्तै आज चाँदीको मूल्य पनि बढेको छ । चाँदीको मूल्य ६० रुपैयाँले बढ्दै प्रतितोला एक हजार नौ सय रुपैयाँमा कारोबार भइरहेको महासंघले जनाएको छ ।
