३० भदौ, एजेन्सी ।
इंग्लिस प्रिमियर लिगमा आर्सनलले टोटनह्याम हटस्परलाई उसैको मैदानमा हराएको छ । आइतबार साँझ भएको खेलमा आर्सनलले टोटनह्यामलाई १-० गोलले हराएको हो ।
टोटनह्याम हटस्पर मैदानमा आर्सनललाई जिताउन ग्राबियल मागलहाइजले निर्णायक गोल गरे । पहिलो हाफ गोलरहित बराबरीमा सकिएको खेलको ६४औं मिनेटमा उनले गरेको गोल नै आर्नसलको जितमा निर्णाायक बनेको हो ।
यससँगै आर्सनल लिभरपुललाई उछिन्दै दोस्रो स्थानमा उक्लिएको छ । उसले चार खेलमा १० अंक जोडेको छ । टोटनह्याम भने चा अंकका साथ १३औं स्थानमा छ ।
शीर्ष स्थानमा रहेको सिटीसँग १२ अंक छ भने तेस्रो स्थानको लिभरपुलसँग ९ अंक छ ।
