३ असोज , काठमाण्डौ।
विश्व क्रिकेटका दुई लेजेन्ड्स क्रिस गेल र शाहिद अफ्रिदीलाई पछि पार्दै नेपालका युवा अलराउण्डर गुल्शन झाले विश्व कीर्तिमान बनाएका छन् । आईसीसी विश्वकप लिग–२ मा गुल्शनले गएराति ओमानविरुद्ध भएको खेलमा पाँच विकेट लिनुको साथै ५० माथि रन बनाउँदै ओडीआईमा कम उमेरमा यो सफलता हात पारेका हुन् ।
उनले १८ वर्ष २१४ दिनमा उक्त सफलता हात पार्न सफल भएका छन् । यसअघि सन् २००० मा पाकिस्तानका अब्दुल रजाकले २० वर्ष ५० दिनमा भारतविरुद्ध बनाएको कीर्तिमान तोडिएको थियो । पाकिस्तानकै शाहिद अफ्रिदीले २००० मा इंग्ल्यान्डविरुद्ध २० वर्ष २४० दिनमा उक्त सफलता हात पारेका थिए ।
वेस्टइण्डिजका क्रिस गेलले २००३ मा २३ वर्ष २५३ दिनमा अष्ट्रेलियाविरुद्ध तथा २०२३ मा नेदरल्यान्ड्सका बास डि लिडेले २३ वर्ष २३३ दिनमा स्कटल्यान्ड एकै ओडीआई खेलमा ५ विकेट लिनुको साथै ५० माथि रन बनाएका थिए ।
गुलसन लिग–२ मा एकै खेलमा ५ विकेट र ५० माथि रन बनाउने पहिलो खेलाडी पनि बनेका छन् । उनी ओडीआई इतिहासमा एकै खेलमा ५ विकेट र ५० माथि रन बनाउने विश्वकै २४ औं खेलाडी हुन् ।
ओडीआईमा सबैभन्दा पहिला सन् १९८७ मा वेस्टइण्डिजका भिभियन रिचर्ड्सले एकै खेलमा ५ विकेट लिनुको साथै ११९ रनको शतकीय इनिङ न्युजिल्यान्डविरुद्ध खेलेका थिए ।गुल्शनले यो कीर्तिमानी प्रर्दशन गर्दा नेपालले भने हार ब्यहोर्नु पर्याे ।
हिजोकोे खेलमा टस हारेर ब्याटिङको निम्तो पाएको नेपालले ५० ओभरमा ९ विकेट गुमाउँदै २२० रन बनाएको थियो । गुलसन झाले ३५ बलमा ३ चौका र ५ छक्कासहित ५३ रन बनाएका थिए। २२१ रनको लक्ष्य ओमानले ४९.५ ओभरमा ९ विकेट गुमाउँदै पूरा ग¥यो ।
गुलसनले १० ओभरमा ४७ रन खर्चेर ५ विकेट लिएका थिए । नेपाल १ विकेटले पराजित भएपनि उनले प्लेयर अफ द म्याच अवार्ड पनि जिते । त्रिदेशीय शृंखलामा नेपालको भने यो लगातार दोस्रो हार हो ।
गुल्सनकुमार झाको अलराउन्डर प्रदर्शनका बावजुद नेपाली क्रिकेट टिम ओमानसँग एक विकेटले पराजित भएको छ । यो सिरिजअन्तर्गत नेपालले क्यानडासँग अर्काे खेल ६ गते र ओमानसँग ८ गते खेल्नेछ । ओडीआई सिरिजपछि नेपालले क्यानडा र ओमानसँगै टी–२० सिरिज पनि खेल्नेछ ।
त्यसपछि नेपालले क्यानडा वा ए टोलीसँग थप दुई एकदिवसीय अभ्यास खेल खेल्ने सम्भावना छ । यो सिरिज सकेर नेपाल लिग २ का लागि अमेरिका जानेछ । त्यहाँ अमेरिका, नेपाल र स्कटल्यान्डबीच त्रिकोणात्मक र टी–२० आई दुवै सिरिज हुनेछ ।
