११ असोज, एजेन्सी ।
इजरायली प्रधानमन्त्री बेन्जामिन नेतान्याहूले हिजबुल्लाहमाथि ‘पूर्ण शक्ति’का साथ आक्रमण गर्न इजरायली सेनालाई निर्देशन दिएका छन् । अमेरिकालगायत इजरायलनजिकका अरू देशहरूले भने युद्धविरामका निम्ति आग्रह गरेका छन् ।
लेबनानको स्वास्थ्य मन्त्रालयले बिहीबार इजरायली हवाई आक्रमणमा कम्तीमा ९२ जनाको मृत्यु भएको जनाएको छ । लेबनानको राजधानी बेरुतको दक्षिणी भागस्थित एउटा भवनमा गरिएको हवाई हमलामा आफ्नो ड्रोन युनिटका प्रमुख मोहम्मद सुरूर मारिएको हिजबुल्लाहले जनाएको छ ।
बुधबार अमेरिका, बेलायत र युरोपेली संघले तीन साताका निम्ति युद्धविरामको प्रस्ताव गरेका थिए । तर, बिहीबार इजरायलले यो प्रस्ताव अस्वीकार गरेको थियो । न्युयोर्कमा संयुक्त राष्ट्रसंघको महासभालाई सम्बोधन गर्दै इजरायली प्रधानमन्त्री नेतान्याहूले सबै लक्ष्य हासिल नगरेसम्म आफूहरू नरोकिने बताएका थिए ।
जसरी इजरायली सेनाले लेबनानमा विनाश मच्चाइरहेको छ, यसले हिजबुल्लाहको अन्त्य धेरै नजिक छ भन्ने सन्देश दिन्छ। हिजबुल्लाहको हालत गाजामा हमासको जस्तै छ। चार दिनको कारबाहीमा इजरायलले हिजबुल्लाहको ९० प्रतिशत नेतृत्वलाई मात्र नष्ट गरेन यसले उसको आधा सैन्य शक्तिपनि नष्ट भएको छ ।
इजरायलले यति ठूलो सफलता पाएको छ किनभने आइडिएफले हिजबुल्लाहमा एक दिनमा १५ सय करोडको क्षेप्यास्त्र वर्षा गरेको छ । इजरायलको अकल्पनीय आक्रमणमा हिजबुल्लाहको शीर्ष नेतृत्व मात्र नभई उसको सैन्य शक्ति पनि आधा भएको छ ।
इजरायल र अमेरिकाले अपरेशन नर्दन एरोका कारण हिजबुल्लाहको आधा सैन्य संरचना ध्वस्त भएको बताएको छ । इजरायली सेनाका अनुसार लेबनानमा १ दिनभित्र १५ सय करोड रुपैयाँको क्षेप्यास्त्र प्रहार गरेको छ ।
आइडीएफले आफ्नो प्रतिवेदनमा हिजबुल्लाहको शीर्ष नेतृत्वमा अब तीन जना मात्र बाँकी रहेको बताएको छ, ती हुन् प्रमुख हसन नसरल्लाह, हिजबुल्लाहका दक्षिणी मोर्चा कमाण्डर अली कराकी र बद्र युनिट प्रमुख अबु अली ।
अब हिजबुल्लाहको नेतृत्वमा यी तीन जना मात्र बाँकी छन्, बाँकी १८ जनालाई सधैका लागि बिदा गरिएको छ । इजरायलले हिजबुल्लाहको आधा सैन्य शक्तिलाई ध्वस्त पारेको छ।
आइडीएफका अनुसार तीन दिन अघिसम्म हिजबुल्लाहसँग १ लाख ४० हजार रकेट र मिसाइलको भण्डार थियो तर इजरायलले भीषण हमलामा हिजबुल्लाहका आधा रकेट र मिसाइल नष्ट गरिसकेको छ ।
अर्थात् करिब ७० हजार रकेट र मिसाइल जलेको छ । अहिले हिजबुल्लाहसँग करिब ७० हजार रकेट र मिसाइलहरू बाँकी छन्। आइडीएफले हिज्बुल्लाहका ५० प्रतिशत हतियार, ५० प्रतिशत रकेट प्रक्षेपण प्याड र ६० प्रतिशत आधारहरू भग्नावशेषमा परिणत गरेको दाबी गरेको छ।
इजरायलको आक्रमणको अर्को चरण लेबनानमा सुरु हुने विश्वास गरिन्छ। यही कारणले गर्दा इजरायली सेनाले दक्षिणी लेबनान खाली गर्दैछ, आएडीएफलेले मानिसहरूलाई जतिसक्दो चाँडो दक्षिणी लेबनान छोड्न आग्रह गरेको पर्चाहरू फेरि बाँडेको छ।
इजरायली प्रधानमन्त्री बेन्जामिन नेतन्याहुले लेबनानका जनतालाई अन्तिम चेतावनी दिँदै भनेका छन् कि यदि मानिसहरूले हिजबुल्लाहलाई आफ्नो घरमा मिसाइल र बारूद राख्न अनुमति दिए भने उनीहरूको घर अवश्य ध्वस्त हुनेछ।
अर्कोतर्फ,बाडिएको पर्चाका कारण लेबनानमा हलचल मच्चिएको छ। यी स्लिपहरूमा क्युआर कोड छ, आइडिएफलेले भनेको छ कि मानिसहरूले आफ्नो फोनबाट यो क्युआर कोड स्क्यान गर्नुपर्छ, स्क्यान गरेपछि मानिसहरूले कुन क्षेत्र खाली गर्ने र कहाँ जाने भनेर थाहा पाउनेछन्।
तर हिजबुल्लाहले मानिसहरूलाई क्युआरकोड स्क्यान नगर्न अपील गरेको छ। हिजबुल्लाहले यो पेजर आक्रमण जस्तै मोसादको खतरनाक षड्यन्त्र भएको बताएको छ । यदि बारकोडहरू स्क्यान गरियो भने, मानिसहरूको फोन ह्याक हुनेछ।
तिनीहरूको जानकारी इजरायली सेनासम्म पुग्नेछ। जुन उसले आक्रमणको लागि प्रयोग गर्नेछ। मानिसहरू आतंकको बीचमा दक्षिणी लेबनान छोड्दै छन्। अब आइडिफ लेबनानमा प्रवेश गर्ने र हिजबुल्लाह विरुद्ध जमीनी कारबाही सुरु गर्ने अन्तिम तयारीमा छ ।
स्पष्ट रूपमा लेबनान युद्ध विस्तार हुँदैछ। यसलाई अरबमा ठूलो युद्ध सुरु भएको प्रमाणका रुपमा लिइएको छ।
