१७ असोज , एजेन्सी ।
नाइजेरियामा ठुलो संख्यामा आतंककारी मारिएका छन।
त्यहाँको सरकारी सेनाले गत वर्ष बोकोहराम आतंककारी समूह र देशका अन्य आतंकवादी संगठनका कम्तीमा ३ सय कमाण्डरहरूलाई मारेको राष्ट्रपति बोला टिनुबुले बताएका छन् ।
देशको ६४ औं स्वतन्त्रता दिवसको सम्झनामा राष्ट्रिय प्रशारणमा टिनुबुले सो कुरा बताएका हुन् ।
देशको उत्तरी भागमा सयौं समुदायमा शान्ति पुनःस्थापित भएको पनि उनको दाबी थियो ।
जहाँ आफ्नो घर छोडेर भागेका हजारौं मानिसहरू फर्किएका छन् ।
टिनुबुले जारी सुरक्षा अपरेसनहरूको साथ नाइजेरियालीहरूले चाँडै खाद्य उत्पादनमा फड्को मार्ने बताएका छन् ।