१८ असोज , एजेन्सी ।
चौतर्फी युद्धका बीचमा इजरेली प्रधानमन्त्री बेन्जामिन नेतान्याहु विरुद्ध पूर्व ब्रिटिस प्रधानमन्त्रीले चकित पार्ने आरोप लगाएका छन् । ब्रिटिस पूर्वप्रधानमन्त्री बोरिस जोन्सनले नेतान्याहुमाथि गम्भिर आरोप लगाएका हुन् । उनले इजरायली प्रधानमन्त्रीमाथि बाथरूममा जासुसी उपकरण जडान गरेको आरोप लगाएका छन् ।
यो घटना सन् २०१७ को हो जब जोनसन बेलायतका विदेशमन्त्री थिए । यसपछि उनी सन् २०१९ देखि २०२२ सम्म बेलायतको प्रधानमन्त्री पनि भइसकेका छन् । द टेलिग्राफको रिपोर्टका अनुसार जोनसनले सन् २०१७ मा इजरायली प्रधानमन्त्री बेन्जामिन नेतान्याहुसँगको भेटको घटनालाई आफ्नो पुस्तक अनलीश्टमा उल्लेख गरेका छन् ।
जोनसनले लेखेका छन् बैठकको समयमा नेतान्याहुले आफ्नो घरको बाथरूम प्रयोग गरेका थिए । त्यसपछि उनको सुरक्षा टोलीले बाथरूमबाट सुन्ने उपकरण बरामद गरेको थियो ।
पूर्व बेलायती प्रधानमन्त्री बोरिस जोनसनले आफ्नो पुस्तकमा नेतन्याहुको उपनाम ‘बीबी’ उल्लेख गर्दै लेखेका छन् कि भेटका क्रममा नेतान्याहुले बाथरुम जाने बहाना बनाए, जसरी लन्डनको एक पॉश क्लबमा एक व्यक्तिले बहाना बनाउँछ। जोनसनले लेखेका छन् कि ’बीबी’ ले त्यहाँ केही समय लगाए र यो संयोग हुन सक्छ तर जब सुरक्षा टोलीले सफाई गरिरहेका थिए त्यसबेला उनीहरूले एक बाकसमा सुन्ने उपकरण फेला पारे ।
मिडिया रिपोर्टका अनुसार यो घटनालाई पुस्तकको ’अंश’ मा उल्लेख गरिएको छ । जोनसनको यो पुस्तकमा भने अक्टोबर १० मा रिलिज हुँदैछ । मिडियामा प्रकाशित जोनसनको पुस्तकको अंशबारे यस घटनाको बारेमा थप जानकारी माग्दा उनले धेरै कुरा गर्न नमानेको ब्रिटिस संचारमाध्यामहरुले उल्लेख गरेका छन् ।
यसबारेमा जोनसनले भनेका छन् कि मानिसहरूले जान्न चाहेको कुरा उनको पुस्तक पढेर थाहा हुनेछ । पुस्तकमा उनले पटक पटक नेतन्याहुलाई बीबीको उपनामले सम्बोधन गरेका छन् । नेतन्याहुले पाएको बीबीको उपनाम भने अमेरिकी राष्ट्रपति जो बाइडेनसँग जोडिएको छ।
अमेरिकी राष्ट्रपति जो बाइडेन र इजरायलका प्रधानमन्त्री बेन्जामिन नेतान्याहु बीच निकै राम्रो सम्बन्ध रहेको छ । दुवै नेताले विभिन्न मञ्चमा एकअर्कासँगको सम्बन्धका बारेमा कुरा गरिरहन्छन् । उनीहरुको मित्रता करिब ४० वर्ष पुरानो हो ।
इजरायल र अमेरिकाबीचको कूटनीतिक सम्बन्धमा तनाव हुँदा बाइडेन वा नेतान्याहुले आपसी सम्बन्ध पहिलेको जस्तै कायम रहेको बताउँछन् । बाइडेन र नेतान्याहु सन् १९८० मा मित्र बनेका थिए । त्यतिबेला बाइडेन नवनिर्वाचित सांसद बनेका थिए र नेतान्याहु अमेरिकाका लागि इजरायलका राजदूत थिए।
२०१० मा, बराक ओबामा सरकारमा बाइडेन उपराष्ट्रपति हुँदा प्यालेस्टाइनलाई लिएर इजरायल र अमेरिका बीच दरार भयो। त्यसपछि बाइडेनले नेतान्याहुको बारेमा भनेका थिए, बीबी (नेतन्याहुको उपनाम), म तपाईका धेरै कुरामा सहमत छैन, तर पनि म तपाईलाई माया गर्छु।
