१९ कार्तिक, विराटनगर ।
आईसीसी विश्वकप लिग– २ अन्तर्गत अमेरिकामा जारी सिरिजअन्तर्गत आज राति सवा ९ बजे नेपाल र स्कटल्यन्डबीच खेल हुँदै छ । यो नेपालको चौथो तथा अन्तिम खेल हो । लिगअन्तर्गत अमेरिकामा नेपालले खेलेका तीन खेलमध्ये २ खेलमा पराजय व्यहोरेको छ ।
अमेरिकामा नेपाल घरेलु टोलीसँग खेलेका दुवै खेलमा पराजित भएको थियो । अमेरिकासँग नेपालले एउटा खेलमा ३ विकेट र अर्को खेलमा ३७ रनको पराजय व्यहोरेको थियो । उता स्कटल्यान्डलाई भने ५ विकेटले पराजित गरेको थियो ।
सोही कारण स्कटल्यान्डविरुद्ध मैदानमा उत्रँदा नेपाल उच्च मनोबलका साथ उत्रनेछ । यद्यपि, लिग टु का खेलहरूमा नेपालले निराशाजनक प्रदर्शन गरिरहेको छ । नेपालले हासम्म ११ खेल खेलेकामा २ खेलमा मात्र जित निकालेको छ भने ८ खेलमा पराजय व्यहोरेको छ ।
एक खेल वर्षाले अवरुद्ध भएपछि अंक बाँडेको थियो । स्कटल्यान्डले भने अमेरिकासँगका दुवै खेल जितेको थियो । जारी शृंखलामा स्कटल्यान्ड र अमेरिकाले २÷२ खेल जितेर समान ४ अंक बनाएका छन् ।
नेपालले भने ३ खेलबाट २ अंक मात्र जोड्न सकेको छ । अब नेपाल आज अन्तिम खेल जित्दै अमेरिका भ्रमण सुखद् रूपमा अन्त्य गर्ने लक्ष्या रहेको छ । ८ देश सहभागी लिगमा यूएई मात्र नेपालभन्दा पछाडि छ ।
हालसम्मको अंकतालिकामा नेपाल सातौँ स्थानमा रहँदा अमेरिका पहिलो स्थानमा छ भने क्यानडा दोस्रो तथा स्कटल्यान्ड तेस्रो स्थानमा छ । स्कटल्याण्डविरुद्ध हेड टु हेडमा नेपाल अघि छ । अहिलेससम्म यी दुई टोलीले कूल ७ ओडीआई खेल खेल्दा नेपालले ४ खेल जितेको छ भने स्कटल्याण्डले ३ खेल जितेको छ ।
