१९ पुष , एजेन्सी ।
बोर्डर–गावस्कर ट्रफी २०२४–२५ को अन्तिम खेल सुरु भएको छ। भारत र अष्टे«लिया बीचको खेल सिड्नी क्रिकेट मैदानमा जारी छ । टिम इन्डियाले टस जितेको थियो र पहिले ब्याटिङ गर्ने निर्णय गरेको थियो। यस खेलमा जसप्रित बुमराले भारतीय टोलीको नेतृत्व गरेका छन् ।
खेलको एक दिन अघि रोहित शर्मालाई प्लेइङ इलेभेनबाट बाहिरिने चर्चा भएको थियो, आखिर मैदानमा पनि त्यही भयो। रोहित शर्मा यस सिरिजमा उत्कृष्ट फर्ममा छैनन्। त्यसैले टोली व्यवस्थापनले उनलाई सिड्नी टेस्टबाट बाहिर राख्ने निर्णय गरेकोछ ।
रोहित शर्मालाई सिरिजका लागि विश्राम दिइएको छ । यसको स्पष्ट अर्थ रोहितलाई खराब फर्मका कारण प्लेइङ इलेभेनबाट हटाइएको हो। एडिलेड र मेलबर्नमा पहिलो दुई टेस्ट हारेपछि भारतीय टोली सर्वाधिक आलोचनाको शिकार बनेको छ ।
र यसको दोष कप्तान रोहितमाथि थोपरिएको छ । मुख्य प्रशिक्षक गौतम गम्भीरले ड्रेसिङ रुममा वरिष्ठ खेलाडीसँग दुव्र्यवहार गरेको खबर पनि आएको थियो। गम्भीरले यो पनि भनेका थिए कि अब यो धेरै भयो, खेलाडीहरूको मनोमानीले काम गर्दैन। बुमरा कप्तान हुनेछन्।
अब अन्तिम टेस्ट म्याचको प्लेइङ इलेभेनमा ठुलो परिवर्तन भएको छ । पाँचौँ टेस्टका लागि भारतीय टोलीको प्लेइङ इलेभेन मात्र नभई कप्तान पनि परिवर्तन भएको छ । साथै, खराब प्रदर्शनका बावजुद ऋषभ पन्त आफ्नो स्थानमा छन्।
रोहित शर्मा पाँचौँ र अन्तिम टेस्टबाट बाहिरिएका छन्। केएल राहुल र यशस्वी जयस्वालले इनिङ्सको सुरुवात गर्नेछन्। साथै गिल प्लेइङ इलेभेनमा समावेश छन्। प्रसिद्ध कृष्णले पनि स्थान पाउनेछन्। फास्ट बलर प्रसिद्ध कृष्णाले पनि प्लेइङ इलेभेनमा स्थान पाउनेछन्।
अन्तिम टेस्ट म्याच भारतका लागि महत्त्वपूर्ण छ। डब्लुटिसीमा जीवित रहन भारतले यो खेल जित्न आवश्यक छ। हालै रोहित शर्माले खुलेर आफ्ना निर्णय लिन नसक्ने खबर आएको थियो। यसअघि उनी खेलाडीहरूसँग खुलेर कुरा गर्थे, तर गौतम गम्भीर प्रशिक्षक बनेदेखि रोहितले उनलाई टोलीमा किन समावेश गरिएको छैन भनेर खेलाडीहरूसँग कुरा गर्न सकेनन्।
यस्तै एउटा उदाहरण टि–२० विश्वकप पनि रहेको थियो ।रोहित शर्मा यस सिरिजमा उत्कृष्ट फर्ममा छैनन्। रोहितले अहिलेसम्म खेलेका तिन खेलमा मात्र ३१ रन बनाउन सफल भएका छन्। यसै कारणले उनलाई सिड्नी टेस्ट म्याचबाट बाहिरिने कडा चर्चा भइरहेको थियो ।
शर्माको गत वर्षको टेस्ट म्याचको प्रदर्शन हेर्ने हो भने, उनी विराट कोहली भन्दा राम्रो छन्। रोहितले सन् २०२४ मा भारतका लागि १४ टेस्टमा २४.७६ को औसतमा ६१९ रन बनाएका छन् जसमा उनले दुई शतक पनि बनाएका छन्।
रोहितलाई टिमबाट बाहिरिदा विराट कोहलीमाथि किन प्रश्न उठेन भन्ने चासो पनि भारतीय क्रिकेटदिग्गजहरुले गरेका छन् । विराट कोहली पनि यस सिरिजमा उत्कृष्ट फर्ममा छैनन्। रोहित शर्माले आफ्नो फार्मका कारण रन बनाउन सकेनन्, तर विराट कोहलीले सिरिजमा राम्रो सुरुवात गरेपनि उनले लापरवाही तरिकाले सट खेलेर आफ्नो विकेट गुमाएका छन् ।
चौंथो टेस्टका दुई इनिङमा उनी क्रमशः ३६ र ५ रन बनाएर आउट भएका थिए । आज पनि कोहली १७ रन मात्र बनाएर आउट भए । उनी अफ स्टम्पको बाहिरी भागमा समातिएका थिए। ब्यु वेबस्टरले उनको क्याच लिए। बोर्डर–गावस्कर ट्रफीमा अहिलेसम्म कोहलीको प्रदर्शन निराशाजनक रहेको छ।
पर्थ टेस्टमा शतक बाहेक, उनीहरूले लगातार संघर्ष गरिरहेका छन् ।यसअघि अन्तिम खेलअघि आयोजित प्रेस मिटमा कप्तान रोहित उपस्थित थिएनन् । पत्रकारहरूलाई यसबारे प्रष्टीकरण दिने क्रममा प्रशिक्षक गौतम गम्भीरले ‘आफू नै पर्याप्त’ भएको बताएका थिए ।
बिहीबारको ट्रेनिङ सेसनमा पनि रोहित निकै ढिला गएका थिए । जसप्रित बुमराहको नेतृत्वमा टिम ट्रेनिङमा उत्रिएको थियो । श्रृंखलाको पहिलो टेस्टमा चोटका कारण रोहित अनुपस्थित थिए र जसप्रित बुमराहले कप्तानी गरेका थिए । उक्त टेस्ट भारतले जितेको थियो । दोस्रो टेस्टमा रोहितले कप्तानी गरे । तर, तीन टेस्टमा उनको व्यक्तिगत प्रदर्शन विर्सनलायक रहेको छ ।
